Photo by Avel Chuklanov on Unsplash

Европските авиокомпании се принудени да летаат со празни или речиси празни авиони.

Причината е што тие не би ги изгубиле правата за слотови, пристанишни места на хабови и големи терминални аеродроми, каде сообраќајот зависи од слотот. И тие го губат правото на слот доколку не се договорат доволен број пати, определено со договорот. Правилото едноставно се нарекува: „употреби го или изгуби го“( “use it or lose it”).

Најчести митови за летањето со авион

Постојаните слотови за летови до популарните дестинации на најголемите аеродроми се многу важни, всушност вредна услуга во патничката индустрија на авиокомпании. За да ги зачува, секоја авиокомпанија мора да гарантира одреден годишен број слетувања, во принцип најмалку 80 проценти од вкупните права за слетување утврдени со договорот меѓу превозникот и аеродромот. Аеродромите заработуваат од тоа, значително повеќе отколку од аеродромските такси за патници и билборди.

Тоа ограничување беше укинато среде пандемијата минатиот март, но постепено се враќа. Сега авиокомпанијата го губи слотот ако не слета барем половина од времето предвидено во договорот. Европската комисија најави дека ќе го зголеми тој процент на 64 отсто пред крајот на март, пишува Јутарњи лист.

Протестираат авиокомпаниите, почнувајќи од најголемите, како Луфтханза со својата групација и групацијата КЛМ – Ер Франс. Тие потсетуваат дека Омикрон им зададе нов и неочекуван удар: тој е многу заразен, што ги наведува патниците кои не мора да летаат да се откажат од летање со авион каде што е тешко да се избегне вирусот во воздухот во кабината. Тие бараат „поголема флексибилност“ бидејќи во спротивно мора да трошат гориво и да ја загадуваат атмосферата со него, дури и кога немаат патници, за да ја постигнат квотата за слетување и полетување неопходна за да го задржат правото на слот.

Photo by Tomek Baginski on Unsplash

Самата „Луфтханза“ најави дека зимава ќе откаже околу 33.000 летови бидејќи за нив нема интерес од патници. Од друга страна, таа најавува дека сепак ќе мора да лета околу 18.000 пати де факто со празни авиони за да не ги изгуби слотови каде што и се важни. Истото го трпат и другите авиопревозници, па на пример, Brussels Airlines, компанија од град во кој Европската комисија одлучи дека треба да се намали бројот на летови за барем донекаде да се ублажи климатската криза, објави околу 3.000 празни летови оваа зима.. Но, ЕУ не успева да го намали притисокот на аеродромите врз авиокомпаниите.

Аеродромите се грижат пред се за својот профит. И тие сметаат дека „договарањето“ на намаленото искористување, од 64 или 50 проценти, е претешка жртва што ја прават. И на Унијата не ѝ паѓа на памет да им исплати отштета на тоа име и со тоа да ги намали економските страдања, бидејќи „штедливите членки“ би збеснале.

„Европската унија гарантирано ќе се грижи за климатската криза“, саркастично коментираше на Твитер климатската активистка Грета Тунберг.

Сепак, не треба да лееме солзи за тешката судбина на авиокомпанијата, бидејќи од сите страни пристигнуваат приказни за нови инвестиции, за да бидеме што поподготвени за смирување на пандемијата. Ита, италијанска компанија формирана од пепелта на уништената Алиталија, вчера објави дека Луфтханза има намера да купи до 40 отсто од нејзината сопственост.