Универзитетот „Гоце Делчев“ – Штип и Правниот факултет, во партнерство со Универзитетот во Салерно (Италија), отвораат повик за млади креативци кои сакаат да испратат моќна порака против сајбер насилството! Ова е твоја шанса да бидеш дел од важна приказна што допира до целата јавност!

Photo by Sam McGhee on Unsplash

Настанот ќе се одржи на 29 мај 2025 година, кога ќе биде прикажан италијанскиот краткометражен филм „101% – Кој ги контролира твоите избори?“ – копродукција на Италијанската државна полиција и националната телевизија RAI, промовиран на реномираниот Венецијански филмски фестивал.

Поканети се сите студенти да создадат кратко видео на една од следниве теми:

• Сајбер насилство и токсичноста на социјалните мрежи
• Зависност од технологија
• Контрола и манипулација во врските
• Насилство врз жени во дигитален контекст
• И други теми поврзани со дигитална безбедност и лична слобода

• Видеото може да вклучува актерска игра, лични сведоштва, симулации или анимација.
• Може да биде на англиски или на македонски јазик (со англиски титл).
• Најважно – содржи силна порака што поттикнува на размислување и акција.

Како да се пријавиш?
Испрати пријава со:

• Наслов на видеото
• Избрана тема
• Кратко објаснување
• Имиња на студентите и факултетот

Потврди го интересот до 11 мај 2025 на: ana.nikodinovska@ugd.edu.mk

По пријавата, ќе следи дополнителна консултација за идеи, поддршка и технички совети.