Социјалните медиуми и алгоритмите ги победија новинарите и уредниците – тие „диктираат“ кои вести ги читаат корисниците.

Бројот на луѓе кои пристапуваат до вести преку веб-страница или апликација е намален за 10 % од 2018. Помладите групи претпочитаат да читаат вести преку социјалните медиуми, пребарувачи или агрегатори.

Image by rawpixel.com on Freepik

Публиката посветува повеќе внимание на познатите личности, инфлуенсерите и личностите на социјалните медиуми отколку новинарите на платформи како што се ТикТок, Инстаграм и Снепчет, објави Институтот за проучување на новинарството Ројтерс во својот годишен извештај за дигитални вести.

Според извештајот, TikTok е најбрзо растечката социјална мрежа што ја користат 20 отсто од 18-24-годишниците за вести, што е за 5% повеќе од минатата година. Помалку од половина од испитаниците во истражувањето изразија силен интерес за вести. Ова е нагло намалување во однос на 6 од 10 во 2017 година.

Социјалните медиуми се главен избор за вестите кои се читаат

„Нема разумна причина да се очекува дека оние родени во 2000-тите одеднаш ќе ги засакаат старомодните веб-страници, а камоли радио, телевизија и весници, едноставно затоа што стареат“, рече директорот на Институтот Ројтерс, Расмус Нилсен. Ова е објавено во извештајот заснован на онлајн анкета на приближно 94.000 возрасни лица во 46 земји.

Image by rawpixel.com on Freepik

Помалку од една третина од испитаниците рекле дека изборот на вести врз основа на претходните пребарувања е добар начин да се информирате, што е за шест поени помалку од 2016 година. Сепак, луѓето сè уште претпочитаат вестите да им ги биораат алгоритми отколку новинари, пренесува Ројтерс.

Довербата во вестите е намалена за два процентни поени во изминатата година. Во просек, 40 отсто од луѓето велат дека генерално им веруваат на повеќето вести. Соединетите Држави забележаа шест отсто зголемување на довербата во вестите, на 32 отсто, но останаа меѓу најниските во истражувањето.

Половина од новинарските редакции користат ChatGpt

56 % од луѓето велат дека ги загрижува препознавањето на разликата помеѓу вистинските и лажните вести на интернет. Тоа е зголемување што е за два проценти повеќе од минатата година.

Истражувањето покажа дека 48 отсто од луѓето велат дека се многу или екстремно заинтересирани за вести, што е намалување од 63 отсто во 2017 година.