SPOTIFY повлече десетици илјади песни создадени од стартапот со вештачка интелигенција Boomy од платформата за стриминг, пишува Financial Times.

Image by Freepik

Гигантот за стриминг ги отстрани песните откако Universal Music ги означи за сомнителна активност на стриминг. Песните беа повлечени од платформата поради сомневање дека користеле ботови за да ги надујат стримовите, практика позната како вештачки стриминг. Загриженоста за вештачката интелигенција расте во музичката индустрија, особено околу авторските права. Сепак овие повлекувања не беа директно поврзани со методите што се користат за генерирање на песните. Спорен е начинот на  добивање на бројот на  стриминзи.

Boomy беше лансиран пред две години и им овозможува на корисниците да произведуваат музика генерирана со вештачка интелигенција заснована на стилови и дескриптори како што се „медитација“ или „лофибитс“. Потоа, корисниците можат да прикачуваат песни создадени од Boomy на стриминг платформи и да заработуваат авторски права од нив.

SPOTIFY oтстрани околу 7% од песните на Буми

Според неговата веб-страница, Буми има произведено повеќе од 14,5 милиони песни. Според нив тоа е речиси 14% од снимената музика во светот. Spotify наводно отстранил околу 7% од песните на Буми.

Дејвид Гета – иднината на музиката е во вештачката интелигенција

„Вештачкиот стриминг е долгогодишен проблем во индустријата на кој Spotify работи на елиминирање на целата наша услуга“, изјави стриминг гигантот за The Financial Times.

Во кварталниот финансиски повик на Spotify во април, извршниот директор Даниел Елк ја опиша музиката генерирана од вештачка интелигенција како „кул и страшна“ и истакна дека „може да биде потенцијално огромна за креативност“.

Но, Елк, исто така, истакна дека музичката индустрија има „легитимна загриженост“ за подемот на музиката генерирана од вештачка интелигенција, велејќи:

„Ние работиме со нашите партнери за да се обидеме да воспоставиме позиција каде што ќе дозволиме иновации, но во исто време ќе ги заштитиме сите креаторите што ги имаме на нашата платформа“.