Од оваа учебна година, сите студенти треба да го пополнат образецот ВОИ-20 преку Националниот портал за е-услуги. Наместо хартија и гужви, документите сега се поднесуваат онлајн.

До услугата може да се пристапи директно на линкот: https://uslugi.gov.mk/service/obrazec-za-zapishani-studenti-na-dodiplomski-studii-na-fakultetite-i-visokite-struchni-shkoli-voi-5793 или со скенирање на QR-кодот:

Кога ќе го пополните образецот, автоматски ќе добиете два документа со електронски печат:

• самиот образец
• и потврда дека е успешно доставен.

Овие документи треба да ги испратите или да ги однесете до вашиот факултет. Исклучок од ова правило се студентите што немаат профил на порталот – тие ќе може да користат хартиен образец.

Факултетите, пак, имаат рок до 30 октомври 2025 да ги достават податоците за сите студенти до Државниот завод за статистика.

Со новиот систем, целта е да се добијат точни и навремени информации за студентите, а процесот да биде поедноставен и побрз.