Притисокот со кој се соочуваат студентите особено во време на испитна сесија може да доведе до појава на академски (студентски) стрес. Ваквиот стрес може да доведе и до чувство на анксиозност, депресија , недоволно спиење или пореметување во навиките за исхрана. Честопати студентите се соочуваат со умор и деконцентрација како последица од стресот кој дополнително може да доведе до намалени перформанси за учење и полош исход.

Photo by Tony Tran on Unsplash

Еве неколку совети кои ќе помогнат да се надмине стресот од испитна.

• Известете ги вашите пријатели и семејството дека се соочувате со стрес, бидете отворени за вашите чувства за да ја добиете потребната поддршка од вашите блиски. Не мора да поминете низ ова сами. Емоционалната поддршка ќе биде од голема корист за надминување на стресот.
• Обидете се да најдете студиска група. Учењето во група со други студенти може да биде убав начин да го одржите вашиот социјален живот и да го зајакнете вашиот морал

Еден од најдобрите студенти на Правен Факултет: Краток разговор со професорката после испит ми ја дефинираше кариерата

Примената на когнитивни техники за менаџирање на стресот, може исто така да биде од корист.

Нај ефективниот начин за намалување на стресот од испитот ги комбинира пристапите фокусирани на вештини (на пример, градење на вашите вештини за учење) со однесување или когнитивни пристапи (на пример, учење стратегии за управување со стресот). Кога ќе ја идентификувате причината за стресот на вашиот испит, треба да поставите дополнителни прашања кои ќе ви помогнат да одлучите која интервенција ќе биде најкорисна.

Некои начини за намалување на стресот на испитот вклучуваат:

• Подобрете ги вештините за учење и полагање испити. Ефективната подготовка за испит бара да се надмине повеќекратното читање на материјалот и пишување белешки. Постојат бројни вештини за учење и полагање испити што можете да ги развиете и да ги користите за да ви помогне да успеете.

Учењето преку ден е најмногу продуктивно, сметаат научниците

Некои студенти ги гледаат испитите како закана, а размислувањата за нив се претежно негативни. Тие вклучуваат мисли како што се:

„Не ги разбирам овие работи“.

„Сигурно ќе паднам на овој испит.

„Што мислев кога го запишав овој предмет?

Овие негативни мисли може да доведат до стрес. Префрлувањето на позитивна рамка на умот може да помогне да се намали стресот. Обратете големо внимание на вашите мисли. Кога ќе се слушнете како размислувате негативно пред или за време на испитот, застанете и активно заземете нова перспектива.

• Научете да се опуштите. Стресот може да влијае врз вас физички со создавање напнатост во вашето тело. Наједноставната техника за справување со стресот е длабокото дишење. Други техники за релаксација вклучуваат прогресивна мускулна релаксација, медитација, јога и таи-чи.

Како да останете мотивирани во текот на студиите?

Практикувајте здрав начин на живот

Здравата исхрана, редовната физичка активност, избегнувањето на тутунот и други позитивни здравствени навики придонесуваат за подобро здравје, што помага да се заштитите од ефектите на стресот.