На денешната седница на Универзитетскиот сенат беа донесени неколку одлуки во насока да се помогне на луѓето погодени од катастрофалниот земјотрес во Турција. Донесено е одлука во координација со амбасадата на Република Турција УГД да одвои 500.000 денари хуманитарна помош.

Во соопштението се вели:
Водени од принципот на хуманост, воедно и како Универзитет на кој студираат студенти од Р. Турција, УГД ќе донира парична хуманитарна помош во висина од 500.000 денари, за помош на подрачјата погодени од земјотресот.

Средствата ќе бидат доделени во координација со амбасадата на Р. Турција директно на Државната агенција за управување со кризи и итни состојби при Министерството за внатрешни работи на Р. Турција.

Студенти на ФМН-УГД организираат хуманитарна акција во Штип за оштетените во Турција

Дополнително, УГД ќе им излезе во пресрет и на студентите од Р. Турција со:

• Одложување на почетокот на настава до 20.02.2023 за сите групи.
• Можност за започнување на наставата онлајн од 20.02.2023 до 20.03.2023, а потоа продолжување со физичко присуство.
• Продолжување на испитната сесија за студентите до 30.03.2023, во која ќе важат сите пријави од февруарската испитна сесија кои не се реализирани.

Ги повикуваме на солидарност сите институции и индивидуи во државата – да делуваме во насока на општество какво што сакаме да бидеме!

Преземено од life.ugd.edu.mk