Универзитетот „Гоце Делчев“ – Штип го отвори електронскиот систем за пријавување на нови студенти за академската 2025/2026 година. Средношколците кои сакаат да студираат во еден од 12-те факултети или 3-те академии на УГД можат да аплицираат онлајн преку:
ugd.edu.mk/upisi

Оваа година се нудат над 2000 места во државна квота, а особено внимание привлекуваат бројните финансиски олеснувања и стипендии кои Универзитетот ги нуди.

🔹 Целосно ослободување од партиципација во прва година – за најдобрите студенти:

• Првите 20 студенти на Медицинскиот факултет

• По 10 највисоко рангирани на:
  • Факултет за информатика
  • Економски Факултет
  • Правен Факултет
  • Факултет за туризам и бизнис логистика
  • Земјоделски Факултет
  • Факултет за природни и технички науки

• По 5 највисоко рангирани на:

• • Електротехнички Факултет
  • Машински Факултет
  • Факултет за образовни науки
  • Техничко–технолошки факултет
  • Музичка академија

🔹 По двајца најдобро рангирани кандидати ќе бидат ослободени на Ликовната и Филмската академија.

🔹 Филолошки факултет – специјални поволности:

• Студентите на македонски јазик се целосно ослободени од партиципација за сите 4 години.
• Делумно ослободување и за програмите по германски, англиски, турски и италијански јазик и книжевност.

🔹 Дополнителни ослободувања важат и за:

• Спортисти – членови на универзитетски екипи
• Ромски студенти
• Лица без родители, лица со инвалидност, воени инвалиди, како и млади без родителска грижа

Целосниот конкурс може да се прегледа тука:
PDF документ – Конкурс за упис 2025/26

„Го подигнавме квалитетот на образованието преку вклучување во европски алијанси и веќе стануваме атрактивни и за студенти од регионот,“ изјави ректорот проф. д-р Дејан Мираковски.

УГД нуди и програми на англиски јазик, особено на Економски, Правен, Медицински и Факултетот за информатика, како и на уметничките академии.

Видео од целосната прес-конференција: