
Барем еднаш сигурно сте се нашле во ситуација каде што сте сакале да гледате филм, а не сте го знаеле насловот. Сега веќе и не е потребно да го знаете, туку само неколку детали од филмот кои ќе ги напишете на веб страната на whatismymovie и шансите да го најдете филмот кој што го барате се големи.
Using mobile photo created by rawpixel.com – www.freepik.com
Оваа веб страна работи на ист начин како google, со разликата дека во неа може да најдете само филмови. Во делот за пребарување може да напишете некакви детали од филмот кој што сакате да го гледате, а со пребарувањето ќе ги видите сите совпаѓања на зборовите кои сте ги напишале со соодветните филмови. Технолошката компанија Vai.ai го креирала овој пребарувач кој ви овозможува полесно да го најдете саканиот филм без нервози.
Photo by:whatismymovie.com
Како што пренесува Engadget, алатката за пребарување работи подобро од другите бидејќи Val.ai пребарува низ необработено видео, што му овозможува да „идентификува над илјада квалитети на филм од кој било видео стрим автоматски, вклучувајќи емоции, локации и специфични предмети“.