GTA 6 е една од најочекуваните игри досега, особено бидејќи GTA 5 сè уште доминира на пазарот. Новата игра треба да излезе на 26 мај 2026 година за Xbox Series X|S и PS5, откако неодамна беше одложена од првично планираната 2025 година. Иако PC верзија нема да биде достапна на денот на излегување, поранешен вработен од Rockstar објасни дека тоа се должи на комплексноста на платформата.

Се очекува GTA 6 да ги искористи предностите на PS5 Pro, што може да ја направи оваа конзола најдобро место за играње, освен ако Xbox не издаде конкурентен уред.

Првиот трејлер за GTA VI прикажува сцени од идната игра со отворен свет во акција, но видеото долго 90 секунди не открива премногу. Како и во минатото, Rockstar Games ќе објави дополнителни парчиња информации пред излегувањето на играта за да открие повеќе за неа.

Раното пуштање на GTA 6 трејлерот беше стратегиски потег од Rockstar за да се генерира возбуда и очекување за играта, иако таа сè уште е во развој. Ова им овозможи да им дадат на фановите нешто што можат да анализираат и дискутираат, и да ги следат реакциите за да го прилагодат нивниот иден маркетинг.

Пуштањето на трејлерот исто така нуди можност за Rockstar да ги прикаже технолошките напредоци и новите елементи на играњето, тестирајќи како ќе бидат прифатени овие карактеристики.

Минатата недела, најавиja дека играта ќе биде одложена за мај 2026 година, шокирајќи ги фановите кои очекуваа дека ќе излезе оваа есен.

Поминаа 12 години од излегувањето на последната GTA игра, и долгото чекање за најочекуваното продолжение на сите времиња стана уште потешко.

Но,компанијата објави нов, триминутен трејлер, давајќи им на нетрпеливите играчи многу нови информации кои можат да ги анализираат додека чекаат.

                             

Текстот е изработен од страна на средношколци практиканти од СОУ Коле Нехтенин – Штип, како дел од соработка меѓу ГОЦЕ.МК и средните училишта.

Автор: Стефан Петров и Теодор Манев