Секоја година, ноќното небо помеѓу 7 јули и 24 август е посебно убаво, особено ако го набљудувате од област со минимално светлосно загадување.

Метеорскиот дожд познат како „Солзите на Свети Лоренс“ го доживува својот врв овој викенд, ноќта меѓу 12 и 13 август.

Photo by Tengyart on Unsplash

Условите за набљудување метеори, популарно наречени солзи на Св. Лоренс, оваа година се извонредни, бидејќи Месечината тешко дека ќе ја попречи видливоста на овој небесен феномен со својата светлина, а добра е и временската прогноза за викендот. Повеќе од 100 од нив можат да се видат на небото за еден час.

Овој метеорски дожд е предизвикан од минувањето на Земјата низ опашката на кометата Свифт-Татл, која последен пат поминала низ Сончевиот систем во 1992 година. Потребни се 133 Земјини години за да направи целосен круг околу нашето Сонце, но затоа долгата опашка ни овозможува да уживаме во дождот на ѕвездите кои паѓаат секоја година, или Персиди.

Исто така, добро е да се знае дека нашите очи треба да се прилагодат на ноќните услови најмалку 30 минути. Персеидите може да се видат цела ноќ до зори, па ако можете, најдете некаде во природата каде нема многу светлосно загадување и уживајте во овој небесен спектакл.