Вработени во ИТ компании од Македонија трчаа на маратон организиран од СОС детско село, а со цел да се соберат средства за дечињата од оваа установа. На маратонот учествуваа многу компании со своите вработени, а воедно и со секое учество се донираа средства за СОС детско село.

Slice како општествено одговорна компанија често подржува вакви инцијативи. Всушност ние сме едни од најстарите учесници на оваа иницијатива и едни од ко – основачите, нашиот драг колега Ѓоко Митровски, кој денес е директор на инженеринг во Слајс Македонија, е еден од ко основачите на настанот пред неколку години. Партнерството со СОС детско село е дел од нашата стратегија за добротворна работа, се со цел да добиеме што повеќе детски насмевки, изјави Ивана Јорданова од Slice Македонија.

Ивана Јорданова – Slice Македонија

На трката учествуваа и велосипедисти, а на финишот имаше и заеднички настан кој имаше за цел да ги зближи децата од СОС детско село со ИТ компаниите, каде во иднина и би можеле да се вработат.