20 годишната Симеона Томова од Штип повеќе од една година изработува уникатни парчиња на накит и аксесоари рачно направени од бисери. Приказната зад брендот ја започна, која на пазарот сакала да понуди нешто ново и уникатно. Идејата потекнала токму од недостатокот на ваков тип парчиња на маркетот , па така кога за едно патување и биле потребни додатоци од бисери, Симеона се обидела да ги направи сама, а исходот испаднал успешен. Во почетокот креирала парчиња само за најблиските, но денес , година дена подоцна нуди различни колекции за поголема клиентела.

Симеона со својот накит

„Мојата замисла беше да им ги остварам идеите на моите креативни клиенти, а и да дадам инспирација на оние кои ја бараат. Да биде катче во кое замислите се остваруваат. Денес го правам токму тоа – од цртеж, слика, идеја доаѓаме до еден готов производ. Покрај дизајните на потрошувачите, јас ја експресирам и мојата креативност, додатоци, комбинации со истите и безброј идеи кои се лесни и достапни на моите социјални мрежи.“, вели Симеона.

Може да се види дека најмногу заинтересирани се младите кои ја препознаваат приказната зад брендот, но и невестите кои одбираат некое парче од Ревуар да им го одбележи големиот ден.

Според Симеона, сѐ поголемата заинтересираност дозволува да од ваквиот бизнис, може да заработува доволно за нејзините потреби.

Иако, поддршка и е потребна за да може дополнително да го промовира брендот, сепак смета дека со досегашните стратегии кои ги користи за промоција на социјалните мрежи, како и помошта од нејзиното семејство, се доволни да после одреден период е задоволна од заработката. Во иднина таа се надева дека Ревуар ќе порасне до степен да организира и изложби, да има продажни места и повеќе вредни раце.

„Можам да кажам дека сме еден вид на семеен бизнис, поради тоа што моите најблиски ме поддржуваат во секоја смисла. Сите ми помагаат со промоција, татко ми и брат ми помагаат во набавка, мајка ми достава, а баба ми изработка. Не би можела да правам сѐ сама, а и целокупната поддршка доаѓа од љубов и гордост на моите.“, вели Симеона.