Зимска школа „Библиоарт“ 2023 ги анимираше млади учесници од Штип за време на зимскиот распуст. Школата ја организираше НУ – Библиотека „Гоце Делчев“ од 11 до 13 јануари.

Содржините беа од едукативен, креативен, но и забавен карактер, со предавања за сајбер насилство, за писменост и читање, како и работилници за оригами, народни ора, тренинзи од карате…

Првиот ден работилница со учесниците во школата имаше Проф. Д-р Кирил Барбареев поттикнувајќи ги на креативност, размислување за вредностите во животот како и читањето и знаењето како предуслов за остварување на животната цел, а сето тоа преку цртање, игра и книга.

Во школата беше вклучено и Американското катче, во кое беше одржана MakerSpace работилница.

Главната тема на вториот ден беше врсничкото насилство. Преку интерактивна презентација за врсничко насилство, како да се препознае и како да се заштитат учениците од истото се вклучи НВО ЕХО.

Втората сесија беше посветена на читањето и писменоста.  Членовите од АКАДЕМИЈА ЕУРОАРТ на интерактивен начин зборуваа за македонскиот јазик, писменоста и најчести граматички грешки, како и придобивките од читањето книги при што прочитаа неколку творби од штипски млади автори. Исто така се реализираше драматизација на познатата сказна „Снежана и седумте џуџиња“

Едукација, забава и креативност на Зимска школа „Библиоарт“ 2023

Третата сесија беше посветена на македонскиот фолклор, носии, песни и ора во кои учесниците активно учествуваа. Пробуваа женска носија и пееја македонски најпознати песни. Дел од ова сесија беше да се научи едно македонско оро, кое успешно го одиграа и уште неколку песни и ора кои заедно ги отпееја и одиграа.

Последниот ден од Зимскаta школа БИБЛИОАРТ 2023 беше во знакот на забава, креативност и спорт. Првата сесија беше изработка на фигури со Оригами техника, за која учесниците покажаа голем интерес. Самите ученици изработија неколку фигури кои ги обоија и креираа по своја замисла и вештина.

Второто полугодие започнува на 23, наместо на 18 јануари

Во спортскиот дел беше организиран час по карате со членовите на Карате клубот „Македонка“ од Штип. Тие демонстрираа тренинг, со основни техники на самоодбрана и елементи од кати кои самите учесници имаа можност да ги изведат.