Златен велосипед по цена од 408.000 долари може да се купи во Дубаи, град познат по позлатени суперавотмобили, позлатени згради…

Меѓународниот саем за часовници и накит на Блискиот Исток беше домаќин на повеќе од 500 домашни и меѓународни брендови од целиот свет. Дубаи е познат по предметите обложени со злато, позлатените суперавтомобили, позлатените згради. Годинава на листата е додаден и златен велосипед.

Компанијата „Al Romaizan Gold and Jewellery“ со седиште во Саудиска Арабија, на 52. саем за часовници и накит, претстави златен велосипед вреден 408.000 долари.

Во Дубаи, град познат по сјајот и луксузот, златниот велосипед привлече големо внимание. Декориран е со вистински листови од 24 каратно злато.

„Тоа е неспоредлива можност за сите таленти да ги покажат своите најнови креации и иновации пред повеќе од десет илјади посетители секоја година на овој настан. Повеќето од нив бараат најексклузивни златни дизајни, накит, луксузни часовници и современи модни линии од целиот свет“, изјави Саиф Мохамед Ал Мидфа, извршен директор на Експо центарот.

52nd Watch & Jewellery Middle East Show 2023 kicks off in Sharjah#WamNews https://t.co/EpDRrv47Ud pic.twitter.com/Qy0bDMAtHW

— WAM English (@WAMNEWS_ENG) September 27, 2023

Како што истакна Мохамед Абаси, директорот на дигиталната компанија „Ал Ромаизан“, проектот за изработка на златниот велосипед траел околу шест месеци, а во тимот учествувале 20 луѓе.

Златниот велосипед не е изложба и веќе е достапен на пазарот во Дубаи.