Декорирањето на новогодишната елка е традиција која ги обединува луѓето ширум светот, но ретко се запрашуваме од каде потекнува овој обичај и што всушност значи. Историскиот пат на оваа традиција е фасцинантен и покажува како културите се преплетуваат преку вековите.

Украсувањето елка за првпат е забележано во германските земји во 16 век. Германија се смета за татковина на украсената новогодишна елка. Легендата вели дека реформаторот Мартин Лутер бил инспириран од ѕвездите кои светеле преку гранките на зимзелено дрво и прв ја украсил елката во својот дом со свеќи.

Божиќната елка пред центарот Рокфелер во Њујорк (прочитај подолу)

Симболика на елката

Зимзеленото дрво било симбол на живот и плодност уште во античките времиња. Во претхристијанските култури, луѓето ги украсувале дрвата како дел од зимските прослави, славејќи ја природата и нејзиниот циклус на обновување.

Во 19 век, германските мигранти ја пренеле оваа традиција во други земји. Во Англија, традицијата станала популарна благодарение на принцот Алберт, сопругот на кралицата Викторија, кој вовел украсени елки во британскиот кралски двор. Од таму, елките почнале да се украсуваат во САД, каде што станале дел од секојдневните празнични обичаи.

Модерното украсување елки е еволуција од старите обичаи. Денес, луѓето користат светилки, украси, лампиони, и врвки кои симболизираат радост, надеж и желба за среќна иднина. Елката е еден од најпрепознатливите симболи на празничниот дух.

Украсувањето на новогодишната елка не е само украсување на домот; тоа е чин кој поврзува генерации, ја слави природата и нè потсетува на важноста на традициите кои носат радост и заедништво.

Еве ги трите најпознати и најубаво украсени елки оваа година:

1. Елката во Рокфелер Центар, Њујорк, САД

   Оваа елка е симбол на Божиќ во Америка и се наоѓа во срцето на Менхетен. Оваа година, елката е висока скоро 24 метри и украсена со 8 километри светилки и ѕвезда направена од три милиони Swarovski кристали. Традицијата започнала во 1931 година и продолжува да привлекува илјадници посетители годишно.

2. Елката во Вилнус – Симбол на Божиќниот дух во Литванија
   
   Божиќната елка во Вилнус, главниот град на Литванија, е една од најимпресивно украсените елки во светот. Поставена на плоштадот пред Катедралата, оваа елка не само што претставува симбол на празничниот дух туку и уметничко дело кое секоја година привлекува туристи од целиот свет.
   

   Божиќната елка во Вилнус

3. Елката во Галери Лафајет, Париз, Франција

   Внатре во овој луксузен трговски центар се наоѓа четирикака елка која секоја година има нова тематска декорација. Оваа година темата вклучува бајковити играчки, астронаутски Дедо Мраз и футуристички зајак. Светлосното шоу, кое се одржува на секои 30 минути, го привлекува вниманието на посетителите.

Елката во Лафајет, Париз