Младиот Александар Тодороски освои најголем број гласови од публиката во првата полуфинална вечер на Макфест 2021 година. Очигледно песната „Под исто небо“ и настапот на Александар ги освои штипјани. Музиката и текстот се на најтрофејниот изведувач на Макфест Ристо Самарџиев, а аранжманот е на Давор Јордановски.

Александар Тодороски

Благодарен сум на штипјани што ја препознаа оваа песна и нависина сум среќен што влегувам во финале. Се подготвувам за вечерва и ќе дадам се од себе да им биде убаво на оние кои се пред сцената и оние кои ќе гледаат дома. Верувам во оваа песна и чест ми е што сум дел од Макфест, вели Александар за гоце.мк

Александар е добро познат на штипската публика. Тој е долго време на локалната сцена, а неговиот прв настап на Макфест го оценува како сосема успешен.

Влезот во финале беше посакуван и навистина сум среќен. Не знам што да очекувам вечерва…очекувам луѓето да ја слушаат мојата песна. Имам одличен ментор Ристо Самарџиев, од кого научив многу и се уште учам. Се надевам дека ќе се забавуваме, вели Александар.

 

Вечерва финалето започнува во 20.30 часот. Редакцијата на гоце.мк го следи на лице место, а вечерашната програма ќе изгледа вака:

1. Калина Велковска со  – „4“
2. Рахела Такашманова –  „Ако не си ти до мене“
3. Виолета Арсовска –  „Нека ме снема“
4. Марија Данева – „Твоја“
5. Александар Тодоровски со песната „Под исто небо“
6. Ѓоко Танески – „Ти“
7. Мартинијан Кириловски – „Вистина“
8. Полина Тасева – Огледало“
9. Роберт Билбилов – „Луда си на мирен начин“
10. Наталија Данаилова – „Не крши ме“
11. Интервали – „За сите години“
12. Александра Јанева – „Денот што ни носи“
13. Лара – „Душа“
14. Светле – „Збогум на лани“
15. Филип Пешевски – „Невино“
16. Eye Cue – „Да сме пак заедно “
17. Дејан Тасев – „Каде беше ти“
18. Пепа – „Длабоко“
19. Елена Наумова – „Сонце ме грее“