На вториот ден од август, нашата планета влезе во долгови за животната средина. Тоа значи дека  ги потрошивме природните ресурси кои екосистемите на планетата Земја можат да ги обновуваат во текот на годината и дека живееме на сметка на идните генерации.

Image by wayhomestudio on Freepik

Пред само половина век, планетата не беше во долгови за животната средина. Оттогаш од година во година трошиме се повеќе природни ресурси. Во атмосферата се испушта повеќе јаглерод диоксид отколку што можат да апсорбираат океаните и шумите, шумите се сечат непланирано.

„Природата има се помалку, природата е сè поранлива, не може да се обнови со брзината и во капацитетот во кој би се обновила кога би била во полн обем. Од друга страна, трошиме повеќе. Се намалува количината на еколошки услуги кои природата ни ги дава во поглед на храна, вода, извори, средства за развој на технологии и слично и тие се во се понестабилна состојба, а од друга страна нашите потреби за нив растат “, објаснува Борис Ерг, директор на регионалните канцеларии на Европската меѓународна унија за заштита на природата.

Животната средина се соочува со суши, шумски пожари, поплави…

Image by wayhomestudio on Freepik

Последиците се климатските промени и се почестите временски настани, суши, шумски пожари, поплави, губење на живеалиштата.

„Имаме просечен пад на населението од 69 отсто на планетата Земја, и растително и животинско. Во исто време, популациите на слатководните видови се најзагрозени, односно дури 83 отсто од популацијата на видовите. Гледаме дека секоја година сечеме шума со големина на Португалија, а шумите се тие што првенствено го обработуваат јаглерод диоксидот, а јаглерод диоксидот во најголема мера го сочинува нашиот еколошки отпечаток. Ги уништуваме океаните, глобалното затоплување влијае на тоа дека океаните се затоплуваат така што автоматски некои популации и видови не можат да преживеат“, посочуваат од Светската фондација за природа „WWF Adria“.

Наместо автомобилите, велосипеди, за спас на планетата

Нашиот регион троши ресурси побрзо од светскиот просек и порано зачекори во еколошки долг. Словенија во април, Црна Гора, Хрватска, БиХ во мај, Србија на 8 јули.

Најбогатите земји најбрзо ги трошат природните ресурси, а најсиромашните ги трпат последиците

Photo by Markus Spiske on Unsplash

Светот би можел да го намали својот долг за животната средина за 26 дена. Тоа ќе се постигне со зголемување на изворот на електрична енергија со низок јаглерод од 39 на 75 отсто.

„Доколку го намалиме отпадот од храна за 50 отсто, односно неговата злоупотреба, можеме да го продолжиме тој долг за уште 13 дена, а ако престанеме да сечеме шуми и почнеме да планираме садење, можеме да го продолжиме за 2,1 ден. Тоа не е малку“

Климатските промени го донесоа рекордно топлиот јули

Најбогатите земји најбрзо ги трошат природните ресурси, а најсиромашните ги трпат последиците. Катар и Луксембург влегоа во еколошки долг во февруари. САД, Канада и Обединетите Арапски Емирати во март, а Европската унија во мај.