д-р Игор Пеев

Самодовербата во огледало апликацијата „Zoom“ ја стави „под нозе“!

(Не)задоволството од сопствениот изглед е вечна тема, и најчесто се поврзува со дамите, кои почесто се незадоволни (дури и кога навистина не би требало да бидат незадоволни од сопствениот изглед). Решението се повеќе се бара во пластичната хирургија, која е се попопуларна, и тоа во случаи кога интервенциите не се само поради здравствени, туку поради естетски причини.

Денеска се дружиме со д – р Игор Пеев, пластичен хирург кој ќе ни каже повеќе за неговите интервенции, колку луѓето сакаат да прават корекции на себе и што најчесто корегираат. За себе вели дека е уметник во душа, филантроп во срце и човек кој што ужива во својата работа.

Д – р Пеев ја работи својата професија повеќе од десетина години, па го прашавме да ни раскаже повеќе околу својата интервенција и колку се променети желбите на клинетите од почетокот до сега.

• „Првата самостојна интервенција ја сработив уште во специјализантските денови, кога и всушност се роди интересот за пластична хирургија. На почетокот тоа беа поедноставни процедури како клемпави уши или спуштени очни капаци. Но, како изминуваше времето, почнав да го надоградувам моето знаење со обуки во странство каде што се стекнав со повеќе искуство и самодоверба, па дојдоа и посложени естетски и неестетки операции.“

Откако започна пандемијата и онлајн состаноците, повеќе од времето луѓето се дома и почесто си ги бараат недостатоците и несовршеностите гледајки се во огледало или на камера. Дали тоа се придонесува за почеста посета на корективен хирург?

• „Пандемијата им го промени животот на сите. Темпото на живот се успори, но имам чувство дека тоа придонесе за насочување на вниманието кон себе си. Секако, забележавме дека голем дел од луѓето започнаа со навики за здрав живот. Луѓето посакаа повеќе за себе и ја посакаа најдобрата верзија од себе. Естетската хирургија нема да го промени животот или да ги реши проблемите, ама дава чувство на поголема самодоверба и благосостојба. Се поголем е интересот за такви зафати, а мене ми претставува предизик и посебно задоволство да одговорам на секој од нив.“

Прочитајте и: Гоце.мк – Од пандемија до пластична операција – како Ковид го смени погледот кон сопственото лице – (goce.mk)

Д – р Пеев ни откри и кои се најчестите интервенции кои тој ги извршува. Сеуште на врвот се жените со потребата за корегирање, ама не изоставуваат ни мажите иако се помалубројни.

• „Во последните неколку години многу популарни се липосукцијата и липофилингот, каде земаме од вишокот масно ткиво во региите кои сакаме да ги намалиме, па истото масно ткиво го враќаме во региите кои што сакаме да ги зголемиме, како задникот, дојките, усните и генерално подмладување на лицето.“

Доаѓаат ли со слика, еве јас сакам да имам нос како на оваа глумица. Каков е вашиот пристап кон ваквиот тип на пациенти?

• (Се смее) „Да, често се случува тоа. Успешноста на интервенцијата зависи во голем дел од комуникацијата меѓу пациентот и хирургот. Важно е да постои заеднички јазик и меѓусебна доверба. Пациентите треба да се комфортни за искажување на своите желби, а јас сум овде секогаш за сугестии. Треба да има баланс меѓу желбата на пациентот и реалните можности за остварување, па затоа секогаш разговарам со нив и се договараме околу тоа што треба да очекуваат после операцијата.“

За да се направи посакуваната трансформација пациентот мора да помине неколку прегледи преку кои ги искажува своите желби и се консултира со докторот за да дознае колку се остварливи и реални.

• „Добриот однос доктор – пациент секогаш носи резултати“ – вели д – р Пеев.

Естетските зафати веќе не се табу тема, како што беше пред десетина години. Со се почестиот број на пациенти кои сакаат да направат корекција на своето тело и отвореното зборување за тоа, веќе ја нормализира естетската хирургија како дел од секојдневното живеење. Доктор Игор Пеев е секогаш достапен за разговор, корекција и пријателски совет доколку сакате да направите физичка промена кај себе.