Републичкиот совет за безбедност на сообраќајот на патиштата (РСБСП) апелира до корисниците на електрични тротинети да ги почитуваат сообраќајните правила и да користат заштитна опрема, со цел поголема безбедност на сите учесници во сообраќајот.

„Е-тротинетот не е играчка, почитувај ги правилата!“ е мотото под кое се рализира едукативната кампања со цел подигање на јавната свест откако минатата недела малолетник го загуби животот возејќи електричен тротинет во кумановско.

Тоа и не е единствен случај. Се почести се реакциите дека корисниците на електрични тротинети често се доведуваат себе и учесниците во сообраќајот во опасност. Електричните тротинети се на некој начин вон од регулацијата, или барем така ги третираат поголем дел од корисниците.

Ова се препораките од надлежните до родителите и возачите на електичните тротинети

Секогаш користете заштитна опрема.

Возете одговорно и со прилагодена брзина.

Почитувајте ги сообраќајните прописи.

Не превезувајте друго лице на тротинетот.

Внимавајте на пешаците кога се движите по пешачки патеки.

Не возете по коловоз ако тоа не е дозволено.

Лицата под 14 години не смеат да управуваат со електричен тротинет.

Максималната дозволена брзина е означена како 25 km/h.