ПO КАТЕГОРИИ
НАЈВАЖНО
ПО ИНТЕРЕС
ПО ФАКУЛТЕТИ
31.01.2025
Феноменот на неказнивоста го плаќаме со уште една трагедија

Неказнивоста и непостапувањето на институциите ги плаќаме со уште една трагедија, стои во реакцијата на Хелсиншкиот комитет за несреќата во која беше усмртена 22 годишната Фросина.

За сообраќајната несреќа во која завчера на бул. „Партизански одреди“ загина 22-годишната Фросина Кулакова од Неготино со допис до медиумите реагира канцеларијата на Хелсиншкиот комитет за човекови права кој укажува дека до трагедијата довел „феноменот на неказнивост, деценски присутен во нашето општество“.

-Судејќи според информацијата објавена од страна на Обвинителството, станува збор за сторител на повеќе тешки кривични дела од кои едното, исто така е сообраќајна незгода во која едно лице било повредено, а тој и понатаму продолжил да учествува во сообраќајот без да поседува возачка дозвола.Ваквото провлекување во правниот систем несмонено укажува на пропуст на институциите да превземат соодветни мерки за да се спречи понатамошното вршење кривични дела во сообраќајот. Се уште не се познати сите правни моменти во случајот и причините поради коишто му се овозможило на сторителот, на ваков начин, да го изигрува правниот систем, но тоа е прашање на коешто ќе треба да одговорат органите на прогонот и другите надлежни институции, наведува Хелсиншки комитет.

Неказнивоста треба да се спречи со преземање на мерки од институциите

Комитетот посочува дека граѓаните „повторно се наоѓаат во состојба на правна несигурност, страв и уште повеќе зголемена недоверба во инстуциите и правосудниот систем“.

-Трагедии од ваков вид треба да делуваат мотивирачки на институциите конечно да преземат неодложни мерки за спречување на влијанијата на корупцијата коишто, патем речено, се главните причини за постоење на неказнивоста во нашиот правен систем. Државата пред се и над се треба да презема мерки граѓаните да живеат во општество во коешто институциите треба да им ја овозможат правдата сигурноста и благосостојбата.

Користењето мобилен телефон додека возите ги зголемува шансите за несреќа за 23%

Жртвите како младата Фросина се темна дамка и потсетник за тоа дека се додека постојат вакви случаи, државата не успеала да им го обезбеди на граѓаните она што им го гарантира со Уставот и законите на Република Северна Македонија, се наведува во соопштението на Хелсиншки комитет.

Комитетот  информира дека во наредниот период ќе собира информации од надлежните институции и „во зависност од констатираната фактичка состојба ќе предложи свои препораки до надлежните органи“.

ЗНМ и УНДП ги доделија наградите за стории за загадувањето на воздухот
Ќе има ли конечно учебници за странски јазици?