Студентите од Ликовната академија, од студиската програма по Архитектура и Дизајн и од Техничко Технолошкиот факултет при Универзитетот „Гоце Делчев“ денес отворија заедничка изложба на свои дела во Штип. Изложбата е разновидна и можат да се видат различни видови на дела, со различни техники и различни видови на уметности.

Ова е традиционална изложба која се одржува веќе неколку години со студентите од трите факултети и е поставена во Уметничката галерија Безистен.