Министерството за образование и наука (МОН) го објави новиот Јавен повик за остварување на правото на субвенциониран студентски оброк за академската 2026/2027 година. Финансиската поддршка од 140 денари дневно е наменета за купување приготвена храна, а аплицирањето за сите редовни студенти започнува на 26 август.

Кој има право на субвенциониран оброк?

Право на аплицирање имаат сите студенти кои ги исполнуваат следниве услови:

• Се државјани на Република Северна Македонија;

• Се редовни студенти на прв, втор циклус или интегрирани студии на државните и приватните универзитети;

• Немаат остварено месечен приход по кој било основа поголем од минималната нето-плата за тековната година.

Клучни рокови за пријавување

• Главен рок: Од 26 август до 31 август 2026 година за сите тековни и новозапишани студенти.

• Месечни рокови: За оние кои ќе го испуштат првиот рок или подоцна ќе ги исполни критериумите, пријавувањето ќе биде отворено од 1-ви до 5-ти секој месец, почнувајќи од октомври.

Исплатата на средствата започнува во месецот што следува по оној во кој е поднесено аплицирањето.

Како да се пријавите?

Пријавувањето е целосно електронско и се врши преку порталот e-uslugi.mon.gov.mk.

1. Пополнете ги обрасците: Пријава за стекнување со право на субвенциониран студентски оброк и Изјава за точност на внесените податоци.

2. Потпишете ги обрасците и прикачете ги на порталот.

3. Проверете го статусот на апликацијата во менито „Мои апликации“.

Доказите од МВР, УЈП и студентските служби ги обезбедува МОН по службена должност.

Како се користат средствата?

• Наменска картичка: Сите одобрени студенти мора да потпишат договор со Шпаркасе банка АД Скопје за отворање посебна сметка и издавање наменска платежна картичка. Отворањето сметка и картичката се без трошоци.

• Дневен лимит и правило: Средствата од 140 денари може да се користат од понеделник до сабота. Неискористениот износ за одреден ден останува достапен за трошење до крајот на тековната седмица (заклучно со сабота).

• Каде се троши: Картичката важи исклучиво кај правни лица кои произведуваат, подготвуваат или продаваат храна.

• Исклучоци: Средствата не се доделуваат во периодот од 1 јули до 1 октомври, како и за време на државни празници и неработни денови.

За сите дополнителни прашања, МОН обезбеди техничка поддршка преку е-пошта: subvencioniran.obrok@mon.gov.mk.