Повеќе од 700 видео камери ги следат секојдневните настани во Венеција. Сите податоци се собрани во напредниот Контролен центар на локалната полиција наречен „Паметна соба“.

На Изола Нова дел Тронкето во Венеција, каде што се наоѓа локалното полициско седиште, има нов, многу напреден Градски контролен центар што ја прави Венеција т.н. „паметен град“. Во истата зграда има неколку контролни простории, од оперативниот центар на телекомуникациите до оној за полициски видео надзор, кои се поврзани со паметна контролна соба од новата генерација и кои преку програма за анализа на бази на податоци, како и видео надзор, овозможуваат општина Венеција, но и полицијата, да му понудат на градот подобри услуги, како и безбедносни гаранции.

„Ова е еден вид контролна кула создадена на барање на градоначалникот на Венеција, во која во живо се следат сите услуги што ги нуди градот, што е многу важно за време на големи настани како фестивали, карневали и концерти. Тука има тим составен од различни експерти кои следат се што се случува и одговараат на барањата – во реално време.

Повеќе од 700 камери ја снимаат Венеција 24 часа на ден

Тоа е голем рудник на податоци што се чуваат најмногу седум дена. Создаден е благодарение на „Венис“ – ИТ-компанијата на општина Венеција и телефонската компанија ТИМ, кои го имплементираа најголемиот дел од она што го гледате“, објаснува Марко Бетини, директор на паметната контролна соба Венис.

Повеќе од 700 видео камери со висока резолуција снимаат 24 часа на ден, седум дена во неделата се што се случува на улиците и каналите во Венеција, а сето тоа може да се види на огромен видео ѕид долг 11 метри. Тие можат да дадат информации за бројот на луѓе кои поминале низ градот или да го вклучат алармот ако се забележат луѓе како трчаат поради некоја опасна ситуација.

Nasce la nuova Smart Control Room di Venezia, un progetto innovativo e all’avanguardia per migliorare la mobilità e la sicurezza della città. Grazie alla tecnologia TIM, a @venis_spa e al @comunevenezia .#SpotTIM pic.twitter.com/JosPHw04IB

— TIM Official (@TIM_Official) October 13, 2020

На овој начин, градот Венеција знае колку чамци, бродови и гондоли поминале низ секој канал на градот. Од друга страна, благодарение на податоците од нашите мобилни телефони, може да се знае дали посетителот е жител на Венеција или не, дали се работи за лице кое работи во Венеција или пак дошол таму само како турист.

„Кога станува збор за приватноста, ние поседуваме збирни податоци, а не поединечни податоци. Тоа значи дека, на пример, можеме да знаеме колку српски државјани или која било друга националност во моментов има во градот, но не и кои се тие. Видеонадзорот не користи препознавање на лица, а мобилните телефони обезбедуваат повратни информации за податоците од нашите мобилни телефони, кои ни даваат информации за тоа дали луѓето овде се туристи, живеат во градот или работат во него. „Ние не ги поседуваме личните податоци на луѓето и во таа смисла вашата приватност е заштитена“, забележува Бетини.

Видеонадзорот ќе помогне за безбедноста, но и во справување со прекумерниот туризам

Венеција го губи стаусот заштитена од УНЕСКО?

Со користење на вештачка интелигенција и алгоритми за видео анализа може да се спречат критични ситуации, но и да се планира развој на град кој има многу чувствителен екосистем со огромен туристички притисок. Благодарение на овие податоци, можно е да се справиме со темата за прекумерен туризам преку усвојување иновативни системи за подобрување на квалитетот на туристичкиот престој во Венеција, како и животот на нејзините жители.

„Од пролетта 2024 година ќе воведеме експериментална фаза од 30 дена до септември, која вклучува и влез во градот, како за музеј. Ќе работи за време на празниците кога во градот доаѓаат најголем број туристи, а оваа паметна соба ни дава многу корисни податоци за туризмот“, вели Микеле Зуин, советник за буџет во Венеција.

Овој систем го контролира работењето на градскиот транспорт, собирањето отпад, временските услови, плимата и осеката и приливот на луѓе во градот… со тоа се што е поврзано со секојдневниот живот, но и со итни ситуации. Милион податоци кои секојдневно пристигнуваат во паметната соба се архивирани во таканареченото езеро на податоци, кое покажува како функционира градот и што треба да се подобри во сите сектори.