Најголем дел од младите никогаш не се вклучиле во носењето на одлуките – ова било заклучено од истражување кое го спровеле од Националниот младински совет на Македонија (НМСМ). Токму поради ова тие организираат проект со 30 младински организации.

Фото: Euro House Skopje

„Како опипливи резултати од проектот во идните 30 месеци се очекува да се зајакнат капацитетите на најмалку 30 младински организации и најмалку 8 локални младински совети, да се направи мониторинг на имплементацијата на Законот за младинско учество и младински политики, по што би се креирале 8 мониторинг извештаи за секој од планските региони и еден национален кој ќе ги опфати и националните институции“, беше истакнато на прес конференцијата.

Корупцијата најголем „виновник“ за заминувањето на младите

Проектот ќе се имплементира заедно со Фондација за локален развој на заедницата – Штип, СФЕРА Интернешнал – Битола и Youth Empowerment Platform – Гостивар.

Главната цел на проектот е, како што велат авторите, да го подобри локалното владеење преку зголемена инклузивност на локалните процеси и младинското влијание во општеството.

Во продолжение погледнете ја прес конференцијата на четирите организации која се одржа вчера во Europe House во Скопје.