Зоран Николов како единствениот македонски учесник на 12 дневна експедиција на Западните Хималаи, успешно ја заврши експедицијата за искачување а планинскиот венец Памир.

Поради исклучително лошите временски услови Зоран не успеа да ја достигне целта која ја зацрта пред тргнување, но стигна до врвови кои се на 5 и 6 илјади метри надморска висина.

Временските услови не дозволиле искачување над овие врвови. Препораките од локалните водичи биле дека мораат да се вратат назад. Во истиот период, за жал, имало и настрадани и починати планинари од други експедиции. Сите овие информации кои стигнале до нив не им дозволиле да се продолжи мисијата. Зоран е вработен на Универзитетот Гоце Делчев во Штип, кој исто така финансиски го помогнал овој подвиг.

Гоце.мк разговараше со Зоран за неговите предизвици и искуството

Памир е еден голем предизвик за планинари од целиот свет, а штипјанецот е меѓу ретките од својот клуб кој си задал и исполнил ваков предизвик. Памир се наоѓа во Таџикистан, искачувањето било реализирано од соседната држава Киргистан. Погледнете го видеото од искачувањето снимено од камерата на Зоран.

Во продолжение видете ја и убавата галерија од фотографии од овој планински венец.