Уште од првиот ден кога станавме јавно достапни на интернет, околу нас слушаме некој совет како да се заштитиме. Иако најчестиот совет е „одлогирај се“, сепак тоа денеска не е доволен чекор за да ги заштитиме нашите податоци. Многу често среќаваме наградни игри и различни манипулации на социјалните мрежи на кои најчесто жртва се повозрасните корисници на интернетот. Затоа ќе ви предложи неколку начини да се заштитите себе си и вашите податоци од хакерите.

Photo by Towfiqu barbhuiya on Unsplash

Two step verification или верификација во два чекори 

Сите барем еднаш сме слушнале за оваа постапка за заштита. Имено, се состои од истовремено користење на лозинката на вашата сметка и кодот кој ќе ви биде испратен на мобилниот телефон и со чие внесување дополнително го потврдувате вашиот идентитет. Зошто тој ни е важен? Живееме во заблуда ако мислиме дека нашите лозинки, колку и да се комплицирани, се непробојни. Со еден нелегален упад во нашата интернет приватност, пораките, фотографиите, видеата,се загрозени. Токму затоа оваа процедура е неопходна за секого, без разлика колку и да изгледа комплицирано.

Photo:makanje.me

Не ги прифаќајте сите услови за користење на социјалната мрежа

Ова е многу важен чекор. Кога отворате профил на одреден социјален медиум, самиот процес речиси секогаш бара од вас да ги пополните сите лични информации. Некои се неопходни но не сите, и тоа е важно да се запамети. Затоа е попаметно да внимавате што ќе ставите како јавна информација. 

Photo:makanje.me

Колачиња (Cookies) 

Сите сме слушнале за колачиња. Можеби на почетокот ни предизвикуваа чудење и збунетост, но со текот на времето станавме свесни за моќта на овие мали датотеки кои го обликуваат нашето користење на интернет. Овие мали датотеки работат со акумулирање на вашата активност на страницата. Тие снимаат колку долго останувате да ги читате вестите на порталот или колку време прелистувате, а во следните неколку прилики ви ја предлагаат содржината за која сте најмногу заинтересирани. Тие го скратуваат вашето време за пребарување, сугерираат што всушност сакате да читате и гледате и се многу корисни за приспособување на вашиот сопствен круг за филтри во мета просторот. Но, во пракса, колачињата знаат и да наштетат. Нашата слобода е нарушена и се отвораме за голем ризик од кражба на податоци од трето лице. За среќа, можеме да ги контролираме со внесување на поставките на Google Chrome и избирање на опцијата за блокирање колачиња.

Photo:makanje.me

Јачина на лозинката

Банален, но многу вообичаен пример за упад на хакер во приватна сметка може да се најде токму во едноставноста на вашата лозинка и комбинацијата на знаци што ја сочинуваат. Кратката лозинка ја става приватноста на чинија за другите, а премногу долгата лозинка е предмет на заборав. Кое е идеалното решение? Бидете креативни, но не премногу. Комбинирајте букви (мали и големи), броеви и знаци. Само немој да се изгубите во неа. 

Photo:makanje.me

Избегнувајте отварање на многу содржини одеднаш

Сигурно ви се има случено да правите неколку работи одеднаш додека се движите низ социјална мрежа. Таб по таб, мултитаскингот нè носи од Google Scholar, YouTube, страница за гледање филмови/серии, сè до страницата Википедија или нашиот омилен портал. Иако изгледа безопасно, премногу отворени „прозорци“ може да доведат до непречено „берење“ на податоци на мрежата. Затоа често се препорачува да се одјавите од социјалните мрежи и потоа слободно да продолжите да сурфате на интернет, игнорирајќи ја сеприсутноста на колачињата.

Photo:makanje.me

Свесни сме дека е многу тешко да се најде безбедно катче на мрежата ако сте љубител на почести социјални интеракции и сакате да истражувате, но мора да се грижиме за нашата сопствена заштита. Хакирањето станува се почеста појава, а нападите на тролови и докс не се забавуваат. Затоа, се надеваме дека овие совети ќе ви помогнат да продолжите да го користите интернетот и да ве спасат од бројните непријатности со кои се среќаваме секојдневно во онлајн средини.