Фото: Yonatan Sindel/Flash 90

Израел го потврди својот прв случај на поединец заразен и со сезонски грип и со Ковид – 19 во исто време, соопштија властите.

Двете инфекции биле откриени кај невакцинирана трудница која имала благи симптоми, соопшти болницата Беилинсон во Петах Тиква.

Некои извештаи сугерираат дека ова е прв таков двоен случај во светот, но извештаите за пациенти со грип и со Ковид – 19 се појавија во САД уште во пролетта 2020 година.

Израел забележа пораст на случаите на грип во последниве недели, при што близу 2.000 луѓе се хоспитализирани поради стравувањата од „твиндемија“ заразување од двете болести. Терминот се однесува на стравувањата дека голем број случаи на грип и случаи на Ковид – 19 би можеле да ги совладаат болниците, а не дека многу поединци ќе бидат заразени со двата вируса одеднаш.

Минатата зима тие стравови не беа реализирани кога ограничувањата на       Ковид – 19 во голема мера ги елиминираа случаите на грип. Сепак, оваа година се покажа поинаку.

Здравствените власти рекоа дека веројатно многу други се заразени со двата вируса, но сè уште не се дијагностицирани, објави веб-страницата за вести Ynet.

Идентификуваниот случај на „флурона“, како што некои го нарекоа, бил релативно благ, според лекарите во Бејлинсон.

„Болеста е истата болест. Тие се вирусни и предизвикуваат отежнато дишење, бидејќи и двете го напаѓаат горниот респираторен тракт“, рече Арнон Вижницер, директор на Одделот за гинекологија во болницата.