Генералното собрание на Обединетите нации (ОН) на вчерашната седница гласаше за поддршка на резолуцијата со која се бара Русија да се откаже од анексијата на четирите украински региони.

Во оваа прилика, само четири земји, не сметајќи ја Русија, застанаа на страната на Владимир Путин, а тоа се Сирија, Никарагва, Северна Кореја и Белорусија.

Покрај тоа, 35 земји се воздржаа од гласање, вклучително и Кина.

За оваа резолуција гласаа 143 земји, а меѓу нив е и Македонија.

Генералното собрание на Обединетите нации ги повика сите земји да не го признаваат потегот на Русија за анексија на четири украински територии. Гласањето „за“ значеше и потврдување на суверенитетот, независноста, единството и територијалниот интегритет на Украина во нејзините меѓународно признати граници.

Маск на твитер понуди решение за војната во Украина

По гласањето, украинскиот претседател Володимир Зеленски им се заблагодари на сите, а американскиот претседател Џо Бајден рече дека тоа е јасна порака до Москва.

Grateful to 143 states that supported historic #UNGA resolution “Territorial integrity of Ukraine: defending the principles of the UN Charter”. The world had its say – RF’s attempt at annexation is worthless & will never be recognized by free nations. 🇺🇦 will return all its lands pic.twitter.com/FupYPfZz8M

— Володимир Зеленський (@ZelenskyyUa) October 12, 2022