За прв пат во историјата, речниците на Оксфорд дозволија јавноста да гласа за својот збор на годината за 2022 година. Победникот е „режим на гоблин“ (goblin mode).

Photo by Pj Accetturo on Unsplash

Терминот е дефиниран како „тип на однесување што е неоправдано, непромислено, мрзливо или алчно.“, се вели во соопштението на Оксфорд Јазици. „Гоблин режим“ доби огромно мнозинство гласови против двајца други кандидати – „Metaverse“ и „#IStandWith“ – избрани од лексикографите од Оксфорд.

На гласањето учествувале над 340.000 луѓе, при што ,,Goblin Mode’’ добил 318.956 гласови, што беше 93% од вкупниот број. „Metavers“ бил второпласиран збор со 14.484 гласови, додека „#IStandWith“ добил 8.639 гласови.

Кој е најпребаруван термин на Google оваа година?

„Се надевавме дека јавноста ќе ужива да биде внесена во процесот, но ова ниво на ангажман во кампањата не изненади целосно. Силата на одговорот нагласува колку е важен нашиот вокабулар за да разбереме кои сме и да го обработиме она што се случува со светот околу нас.“, изјавил Каспер Гратвол, претседател на Оксфорд Јазици.

За да го изберат победникот, уредниците на Оксфорд ги следеле трендовските зборови и фрази кои се користат во текот на календарската година. Зборот на годината претставува збор или израз кој го одразува расположението  од изминатите 12 месеци.

Минатогодишниот победник беше „Vax“, а другите минати победници биле „Selfie“ во 2013 година и „climate emergency“ во 2019 година.