Илон Маск одлучи да даде 44 милијарди долари да ја купи платформата Твитер. Инвестицијата е огромна, имајќи предвид дека целиот приход на Твитер минатата година бил 5 милијарди долари. Твитер заработува од рекламери и донатори. Непосредно пред да ја изврши купопродажбата Илон Маск упати писмо до рекламерите. Еве ја содржината во целост:

Сакав да се обратам лично за да ја споделам мојата мотивација за купување на Твитер. Имаше многу шпекулации за тоа зошто го купив Твитер и што мислам за рекламирањето. Повеќето од тоа е невистина.

Причината поради која го купив Твитер е затоа што е важно за идната цивилизација да има еден заеднички дигитален “градски плоштад„, каде што може да се дискутира за широк спектар на убедувања на здрав начин, без применување на насилство.

Во моментов постои голема опасност социјалните медиуми да се поделат на екстремно десничарски или екстремно левичарски и луѓето да се затворат во ехо комори кои генерираат уште повеќе омраза и го делат нашето општество.

Пораки открија како се скараа Илон Маск и шефот на Твитер

Во немилосрдната потрага по кликови, голем дел од традиционалните медиуми ги поттикнаа и се грижат за тие поларизирани крајности, бидејќи веруваат дека тоа е она што носи пари, но со тоа се губи можноста за дијалог.

Затоа го купив Твитер. Не го купив затоа што беше лесно. Не го направив тоа за да заработам повеќе пари. Го направив тоа за да му помогнам на човештвото, кое го сакам. И јас го правам тоа со понизност, признавајќи дека неуспехот во остварувањето на оваа цел, и покрај нашите најдобри напори, е многу можна реалност.

Маск на твитер понуди решение за војната во Украина

Така, Твитер не може да стане место каде што може да се каже било што без последици. Покрај тоа што ќе го почитуваме законот, нашата платформа треба да биде топла и добредојдена за сите, каде што можете да го изберете сопственото искуството кое го сакате, исто како што можете да изберете, на пример, да гледате филмови или да играте видеоигри.