Парламентот на Индонезија едногласно усвои нов кривичен закон со кој се забранува секс надвор од бракот. Со истиот закон се ограничуваат и политичките слободи.

Новите одредби од кривичниот законик носат непропорционални казни за жените, ЛГБТ луѓето и верските малцинства, велат критичарите.

Новите одредби, кои ќе стапат на сила за три години, го казнуваат сексот надвор од бракот до 12 месеци затвор, а се однесуваат и на индонезиските државјани и на странците.

Неколку групи луѓе, главно млади луѓе, протестираа пред зградата на парламентот во Џакарта, а критичарите велат дека законските измени се „катастрофа“ за човековите права, но и потенцијален удар за туризмот и инвестициите.

Серијата промени доаѓа по порастот на верскиот конзерватизам во Индонезија, земја со мнозинско муслиманско население.

Што носат законските измени во Индонезија?

Казни ќе бидат изречени и за невенчаните парови и за прељубниците на кои се жали мажот или жената.

Забранет е и заеднички живот пред брак, за што се казнува со затвор до шест месеци.

Ајенг, 28-годишна муслиманка која живее во градот Депок на западниот дел на островот Јава, вели дека е во опасност бидејќи живее со својот партнер во последните пет години.

„Можеме и двајцата да одиме во затвор, ако некој од семејството реши да не пријави во полиција.

„Што ако има еден член на семејството кој сака да ми се одмазди“, изјави Ајенг за Би-Би-Си.

Како што смета тој, „заедничкиот живот и сексот надвор од бракот не е кривично дело“.

„Во исламот тоа се смета за грев, но мислам дека кривичниот законик не треба да се заснова на религија“.

Групите за човекови права велат дека новите одредби непропорционално ги погодуваат жените, ЛГБТ луѓето и етничките малцинства.

Во некои провинции веќе се казнуваат коцкањето, алкохолот и дружењето меѓу мажите и жените

Бизнисмените се загрижени дека усвојувањето на законот може да го наруши имиџот на Индонезија како дестинација за одмор и инвестиции.

„Усвојувањето на овој закон може да влијае на светот на бизнисот и да ги одврати потенцијалните инвеститори“, смета Синта Видјеја Сукамдани, заменик директор на Индонезиската бизнис асоцијација. Индонезија: Протести против затворските казни за секс надвор од брак

Предлог-законот претходно требаше да биде усвоен во 2019 година, но илјадници луѓе тогаш протестираа. На протестите  во главниот град Џакарта имаше и судири со полицијата.

Контроверзи во Унгарија-повеќе образовани жени, помалку раѓања?!

Демонстрантите фрлаа камења кон полицијата, која употреби солзавец и водени топови кон нив.

Во некои делови на Индонезија веќе постојат строги закони за предбрачни односи.

Во провинцијата Ачех се на сила строгите исламски закони, а се казнуваат коцкањето, пиењето алкохол и дружењето меѓу мажите и жените.

Соседите пријавиле двајца мажи за интимни односи во 2021 година.

Полицијата го казнила секој со по 77 удари со камшик на јавно место, што требало да биде предупредување за другите.

Истиот ден, маж и жена добиле по 20 удари со камшик бидејќи биле видени како стојат еден до друг, а двајца мажи добиле двојно повеќе за опивање.