Клучната сцена од оригиналниот цртан филм на Дизни, Бамби (1942) ќе биде променета во римејкот на приказната во живо, за да се поштедат децата од трауматичниот настан.

Зборуваме, секако, за сцената во која ловецот пука во мајката на Бамби. Тоа е една од најемотивните сцени во историјата на цртаните и филмовите воопшто. За многумина, токму таа сцена во детството беше првата средба со концептот на смртта. По првите прикажувања на таа сцена, медиумите објавија дека децата масовно плачеле поради тагата со која се соочила Бамби, но малку е познато дека сцената во оригиналниот цртан филм всушност требало да биде многу полоша.

Имено, по предупредувањето на неговата мајка, Бамби бега од мажот и не сфаќа што се случило дури и кога публиката ќе го слушне истрелот. Дури кога ќе се заврти, ќе сфати дека мајка му не е зад него и тоа е срцепарателен момент од цртан филм.

Секој што не ја сака „совршената“ Барби ќе може да има Weird Barbi

Во претходната верзија на сценариото, Бамби требаше да го забележи смртоносниот истрел, да се врати да ја најде мајка му како лежи во локва со сопствената крв. Волт Дизни стави вето на идејата, бидејќи заклучи дека сепак ќе биде премногу. Но, се чини дека избраната верзија сега е премногу за новите генерации.