Искачувањето на највисоката планина во светот наскоро би можело да поскапи бидејќи Министерството за туризам на Непал размислува да ги зголеми таксите што странските алпинисти треба да ги платат за искачување на Монт Еверест.

Image by wirestock on Freepik

Норвешкиот алпинист се искачи на девет од 14-те највисоки планини во светот Манаслу.

Сегашната такса од 11.000 ќе се зголеми на 15.000 американски долари во шпицот пролетна сезона на качување.

Зголемувањето на цената треба да биде одобрено од Советот на министри пред да стапи на сила во 2025 година, рече портпаролот.

Монт Еверест се наоѓа на границата меѓу Непал и Кина, а планинарите можат да пристапат до него од двете земји.

Но, дозволата за искачување е поскапа на кинеската страна.

Откако Тензинг Норгеј и Едмунд Хилари првпат се искачија на Монт Еверест во 1953 година, забележани се речиси 11.500 искачувања.

Во последниве години се зголеми интересот за искачување на Монт Еверест.

Непал го сели базниот камп на Еверест поради небезбедност

Туристичката управа во Непал соопшти дека зголемувањето на цената на дозволите требало да се случи порано.

Цените последен пат се корегирани во 2015 година.

Покрај таксите за дозволи, има и многу други трошоци за странските планинари, вклучувајќи опрема, резервоари за кислород, домашни летови, сместување, храна и локален тим за поддршка.

Севкупно, планинарот може да очекува да плати помеѓу 30.000 и повеќе од 100.000 долари за потфатот.