Крис Рок добил понуда да биде домакин на доделувањетои на Оскарите 2023, но не ја прифатил. Актерот не прифатил и понуда за реклама за Супер боул.

Фото: Historic Theatre Photography

Крис Рок за време на неговиот стенд-ап настап откри дека повторно му била понудена улогата на водител на Оскарите, но ја одбил.

Комичарот доби шлаканица од Вил Смит на годинешната церемонија откако се пошегува на сметка на алопеција на неговата сопруга Џејда Пинкет Смит.

Рок за време на неговата стенд-ап турнеја откри дека Академијата му понудила да се врати следната година, објави Аризона Република.

Крис им кажа на публиката дека враќањето на церемонијата на доделување награди би било како да ја замолите Никол Браун Симпсон „да се врати во ресторанот“ мислејќи на настаните што доведоа до нејзината смрт и последователно судење за убиството на О.Џ. Симпсон.

Наводно, мислејќи на улогата на Смит како Мухамед Али, Рок додаде: „Тој е поголем од мене“.

Рок исто така изјавил дека од него било побарано да се појави во реклама за Супер Боул, но исто одбил.

Реакцијата на сопругата на Вил Смит после инцидентот на Оскарите

Додека популарноста на Рок се чини дека порасна по инцидентот во март, таа на Смит е во „нагло опаѓање“. Според Q Scores – популарна мерка за шоу бизнис за мерење на привлечноста на изведувачот до потрошувачите.

Смит се извини за своите постапки и поднесе оставка од Академијата за филмски уметности и науки во неделата по Оскарите. Актерот беше релативно тивок до јули, кога објави видео во кое им се извинува на Рок и неговото семејство.

Рок се уште не одговорил на извинувањето на Смит.