Луѓето ќе достигнат бесмртност до 2030 година, благодарение на развојот на технологијата,смета поранешен инженер на google, Реј Курцвел.

Поранешниот инженер на Google, Реј Курцвел, верува дека луѓето ќе достигнат бесмртност за седум до осум години, а Курцвел досега бил во право во 86 отсто од неговите 147 предвидувања.

Говорејќи за YouTube каналот Adagio, Курцвел разговараше за границите на генетиката, нанотехнологијата и роботиката, за кои верува дека ќе доведат до развој на нано роботи кои ќе можат да го променат процесот на стареење.

Овие мали роботи ќе ги поправат оштетените клетки и ткива кои се распаѓаат како што телото старее, правејќи нè имуни на болести како ракот.

Курцвејл беше ангажиран од „Гугл“ во 2012 година да работи на нови проекти, како што е машинското учење, но и пред тоа се занимаваше со предвидување на технолошките откритија.

Така, во 1990 година, тој предвиде дека најдобриот шахист ќе загуби од компјутерот до 2000 година, а тоа се случи во 1997 година кога „Дип Блу“ го победи Гари Каспаров.

Исто така, во 1999 година, тој рече дека до 2023 година, лаптоп од 1.000 долари ќе има процесорска моќ и капацитет како човечки мозок.

Сега поранешниот инженер на Google верува дека технологијата ќе стане толку моќна во блиска иднина што ќе може да им помогне на луѓето да живеат вечно.

Курцвел, кој себеси се опишува како футурист, предвидува дека вештачката интелигенција ќе успее да го положи Тјуринг тестот до 2029 година.