Илон Маск вчера објавил дека го враќа профилот на поранешниот мерикански претседател Трамп по добиената поддршка од корисниците.

The people have spoken.

Trump will be reinstated.

Vox Populi, Vox Dei. https://t.co/jmkhFuyfkv

— Elon Musk (@elonmusk) November 20, 2022

„Народот зборуваше“, напишал Маск на Твитер, велејќи дека 51,8 отсто од повеќе од 15 милиони корисници на Твитер гласале за укинување на забраната.
На Трамп му беше забранет пристапот на оваа социјална мрежа заради потикнување насилство. Но, поранешниот американски претседател можеби нема да се врати на платформата, велејќи дека не е заинтересиран и дека се’ уште ќе биде активен на неговата мрежа. 

По немирите во Вашингтон на 6 јануари, неговите профили на речиси сите социјални мрежи беа блокирани, иако имаа десетици милиони следбеници. Неколку месеци подоцна, тој лансираше своја сопствена платформа за социјални медиуми, Truth Social.

Илон Маск го купи Твитер, а претходно им напиша писмо на рекламерите – еве ја содржината

Претходно оваа недела, републиканецот најави дека повторно ќе се кандидира за претседател на САД во 2024 година.

Откако Маск ја презеде целосната контрола врз Твитер, се впушти во серија радикални промени на социјалните мрежи. Пред среднорочните избори во САД на 8 ноември, тој одговорил на прашањето дали ќе ја врати сметката на Трамп со твит: „Ако имав по еден долар за секој пат кога некој ме праша дали Трамп се враќа на оваа платформа. Твитер би ковал пари!“