Ова ќе биде непроспиена ноќ за сите љубители на филмот, бидејќи најпрестижните филмски награди – „Оскар“ ќе бидат доделени по 95-ти пат во Долби театарот.

Space photo created by freepik – www.freepik.com

За прв пат од 1933 година, односно во последните 90 години, во трката за најдобар актер, сите се првпат номинирани. Всушност, од сите десет номинирани водечки актери, и машки и женски, единствената добитничка на Оскар е Кејт Бланшет. Таа годинава се натпреварува за третата статуетка за улогата во филмот „Катран“. Тоа е десетти филм номиниран за Оскар во кој улога играше маестралната актерка.

Од 20-те номинирани во четири категории (најдобар актер, најдобра актерка, најдобра споредна машка и најдобра споредна женска улога), 16 имаат можност за прв пат да ја однесат оваа ласкава награда – што е рекорд.

Стивен Спилберг е номиниран по деветти пат за најдобар режисер. Годинава за реализација на „Фабелманови“. Спилберг е единствениот режисер кој успеал да добие номинација во последните шест децении. И тоа не е се, со седум номинации за Fabelmans, филмовите на Спилберг имаат вкупно 146 номинации за Оскар – најмногу досега.Вилијам Вајлер е втор со 127 номинации за неговите филмови.

Стивен Спилберг е номиниран по деветти пат за Оскар за најдобар режисер

„Фабелманови“, исто така, му ја донесоа на Спилберг 12-та номинација за најдобар филм, најмногу што некој некогаш постигнал.

Ова е прва година кога сите пет номинирани за најдобар режисер се номинирани и за сценарио за нивните филмови.

Најголем фаворит годинава, барем според обложувалниците, е „Сите во исто време“ со 11 номинации. Главната улога во тој филм и припадна на Мишел Јео, која доколку добие Оскар ќе биде првата Азијка која ќе ја добие оваа награда.

Интересно е и тоа што за прв пат од 1977 година, два филма – „Сите во исто време“ и „Духовите на островот“ добија по четири актерски номинации.

Крис Рок ја одби улогата на домакин на Оскарите 2023

„Ништо ново на Запад“ е првиот филм на германски јазик кој е номиниран за најдобар филм (иако Германија е најноминирана земја од неанглиско говорно подрачје во 21 век, со девет номинации). Ова е петта година по ред како филм од неанглиско говорно подрачје е номиниран за најдобар филм.

„Ништо ново на запад“ е првиот филм на германски јазик кој е номиниран за Оскар за најдобар филм

Во овогодинешната трка за најдобар филм има и две продолженија – „Аватар: патека на водата“ и „Топ ган: Маверик“ (со тоа што првиот дел од Аватар беше и во конкуренција за „Оскар“, а „Топ Ган“ не беше). Тие се и двата филма со најголема заработка во 2022 година, а ова е прв пат од 1982 година двата филма со најголема заработка да бидат номинирани за најдобар филм.

Кога станува збор за актерите, Џад Херш го сруши рекордот за разлика помеѓу две номинации – годинава беше номиниран за најдобра споредна машка улога во филмот „The Fablemans“ по 42 години. Досега тој рекорд го држеше Хенри Фонда со 41-годишна „пауза““.

Осумдесет и седумгодишниот Џад Херш е вториот најстар актерски кандидат на сите времиња. Само Кристофер Пламер беше малку постар, имаше 88 години кога беше номиниран за филмот „Сите пари на светот“.

Сепак, најстариот номиниран е Џон Вилијамс, кој со 91 година е најстариот човек кој некогаш се натпреварувал за најпрестижната статуетка во филмскиот свет. Тој е номиниран за најдобра оригинална партитура за „The Fabelmans“, што е негова 53-та номинација. Во таа бројка заостанува само зад Волт Дизни, кој со 59 номинации е најдобар на сите времиња.

„Everything Everywhere All at Once“ со 11 номинации за Оскар

Исто така, интересно е да се забележи дека Казуо Ишигуро е втората личност, по Џорџ Бернард Шо, номинирана за „Оскар“ по добивањето на Нобеловата награда. Тој е шестиот добитник на Нобеловата награда номиниран за Оскар.

Ќе се повтори ли гледаноста од рекордите на „Титаник“ со 11 Оскари?

Годинава се навршуваат 25 години од прикажувањето на филмот „Титаник“, а церемонијата на доделување на која филмот доби единаесет „Оскари“ имаше најголема гледаност досега. Повеќе од 57 милиони луѓе ширум светот ја следеаа таа церемонија. Од година во година се дебатира како да се врати „старата слава“ и популарноста на церемонијата на „Оскарите“, а ќе видиме со што ќе не изненади годинешната церемонија.

Фото: Thai PBS World

За изненадувањето да не биде како минатата година, кога актерот Вил Смит излезе на сцената и му удри шлаканица на комичарот Крис Рок, формиран е „кризен тим“ за да се спречат вакви и слични ситуации.

За популарноста на овогодинешната церемонија требаше да придонесат настапите на двете номинирани за најдобра авторска песна – Лејди Гага и Ријана. Сепак, како што е најавено, Лејди Гага нема да присуствува на наградата, бидејќи го снима продолжението на „Џокер“. Останува да видиме каков настап подготви Ријана за песната „Lift Me Up“ од филмот „Black Panther: Wakanda Forever“.