Големи делови од Обединетите Арапски Емирати викендов беа погодени од песочна бура и властите повикаа на претпазливост на патиштата.

Фото: IQAir

Куќите и бројните знаменитости во поголемите градови беа покриени со слој песок, а видливоста беше намалена.

Официјалната канцеларија за медиуми на Абу Даби ги повика возачите „да избегнуваат возење освен ако е апсолутно неопходно“. Видливоста во Абу Даби и Дубаи за време на песочнаа бура била под еден километар.

На социјалните мрежи се појави видео на кое се гледа како Дубаи исчезнува во прашина.

Серија песочни бури, за кои се верува дека се влошени од климатските промени, ги погодија Ирак, Кувајт, Саудиска Арабија, Иран и други земји оваа година, затворајќи аеродроми и училишта и испратија илјадници во болници со проблеми со дишењето.

Обединетите Арапски Емирати се многу ранливи на глобалното затоплување, според Рамковната конвенција на ОН за климатски промени, бидејќи температурите растат, врнежите се намалуваат и бурите се зголемуваат, додека зголемувањето на нивото на морето го загрозува неговото ниско крајбрежје.

На следниот твит се гледа како песочна бура го зафаќа Дубаи и познатите архитектонски чуда се губат во прав.

Sandstorm in #Dubai

The storm passed through the UAE on Sunday. pic.twitter.com/froiSheEGR

— NEXTA (@nexta_tv) August 15, 2022