“Производите на Фејсбук  им штетат на децата, ја зголемуваат поделбата, ја ослабуваат нашата демократија и многу повеќе“, кажа пред пратениците во Конгресот Франсис Хоген, поранешна вработена во Фејсбук, која откри десетици илјади страници со внатрешни документи.

“Кога сфативме дека компаниите за тутун ги кријат штетните последици што ги предизвикуваат цигарите, владата презеде акција. Кога сфативме дека автомобилите се побезбедни со појаси, владата презеде акција, ве молам да го сторите истото тука“, вели таа.

Хоген ќе ги повика пратениците да преземат акција за да го лимитираат Фејсбук, бидејќи, како што вели, тоа нема да го направи само од себе.

Франсис Хоген
Photo: Drew Angerer/Getty Images

„Раководството на компанијата знае како да ги направи Фејсбук и Инстаграм побезбедни но нема да ги направи потребните промени, бидејќи тие го ставија својот огромен профит пред луѓето“, вели таа.

Поткомитетот за заштита на потрошувачите го испитува влијанието на Фејсбук и Инстаграм врз корисниците, особено тинејџерите и децата. Внатрешното истражување што Хоген го сподели со медиумите, членовите на Конгресот и федералните регулатори го втурна Фејсбук во најголемата криза во последните години.

Таа откри бројни внатрешни истражувања и комуникации кои покажаа дека компанијата е свесна за грешките на нејзините платформи, вклучувајќи ги и токсичните ризици од Инстаграм за менталното здравје на некои тинејџерки и распространетоста на картелите за дрога и трговците со луѓе на нејзините апликации.

Во неделата, Хоген даде интервју од 60 минути на Си -Би -Ес, во кое таа го обвини Фејсбук дека ја лаже јавноста и сопствените инвеститори за влијанијата на нејзините платформи.

Нејзиниот адвокат вели дека таа поднела најмалку осум жалби до Комисијата за хартии од вредност, наведувајќи дека Фејсбук ги завел своите акционери со своите јавни изјави за проблемите, вклучително и распространетоста на говорот на омраза, како се користела социјалната мрежа пред и за време на 6 јануари, и како неговите алгоритми ги засилуваат дезинформациите.

Хауген помина две години работејќи за Фејсбук  во тим за борба против политичките дезинформации. Таа рече дека се разочарала од компанијата. Бидејќи компанијата не успеала да ги направи своите платформи побезбедни доколку тие промени го намалат растот на компанијата.

“Додека Фејсбук работи во темница, тој не одговара пред никој. И ќе продолжи да прави потези што одат спротивно на општото добро”,  вели таа пред Конгресот.

Фејсбук ги оспорува обвинувањата на Хауген. Се вели дека нејзината изјава комплетно погрешно ја карактеризира работата на компанијата.

Во понеделникот, Нил Потс, потпретседател на Фејсбук за доверба и безбедност, изјави дека сите информации комплетно ги негира и дека не е точно дека Фејсбук профитира од засилување на дезинформациите, промовирање на поларизацијата и емотивно воспалувачките содржини.

„Мислам дека тоа обвинување е само малку неосновано“, рече Потс. „Она што ние го правиме на Фејсбук има за цел да ги направиме нашите производи е да ги зголемиме вистинските искуства, па без разлика дали се работи за значајни социјални интеракции или има само позитивно социјално искуство на платформа, тоа е она што ние сакаме производот конечно да го обезбеди, да направи средина во која луѓето ќе доаѓаат на Фејсбук, каде што ќе доаѓаат на Инстаграм и ќе се забавуваат подобро, и тоа е навистина нашата суштинска цел “.

Но, тврдењата на Хоген и обемниот пакет документи што ги копираше пред да го напушти Фејсбук го привлекоа вниманието на јавноста и на моќните критичари во Вашингтон.

Минатата недела, истиот панел на Сенатот ја обвини компанијата дека крие информации за тоа како нејзините производи можат да им наштетат на луѓето, особено на децата.

“Улогата на Конгресот, е да го обезбеди контрола и надзор над компанијата.”, рече Хауген.