Во петокот во Краснодар, Русија, се самоуби рускиот рапер и уметник Иван Петунин, кој настапуваше под уметничкото име Воки(Walkie), јавува рускиот сервис на Радио Слободна Европа.

Иван Петунин – Walkie

Тој остави видео порака во која вели дека не е подготвен да оди во војна и да убива луѓе.

Воки скокна од прозорецот на неговиот стан.

Во видеото кое го снимил пред самоубиството, Воки вели дека фаталната одлука ја донел поради најавата за делумна мобилизација во Русија. Тој исто така рече дека сите седум месеци од почетокот на руската вооружена инвазија на Украина „биле многу болни за него“. Воки се држеше до пацифистички позиции и не сакаше да земе оружје. Пејачот рече дека има одложување на воениот рок од здравствени причини, но не верува дека воените канцеларии ќе ги разгледаат одложувањата и верува дека делумната мобилизација наскоро ќе прерасне во целосна.

„Сите сме заложници на истиот манијак“, рече Воки.

Раперот пред смртта и испратил на својата девојка СМС-порака во која ја поканил да го негува неговиот спомен и да се сети дека секогаш живеел со чиста совест. Иван Петунин имаше 27 години. Неколку часа пред смртта, на интернет го објави својот нов албум Walk Out Boy 3.