Три нови веб страници се креираат секоја секунда во светот, а Гугл, Фејсбук, Инстаграм и Твитер користат 64.9 % од светската популација.

Со повеќе од милијарда активни веб-страници ширум светот, секоја секунда се отвораат три нови, а Google, YouTube, Facebook, Instagram и Twitter се најпосетуваните страници на Интернет, истакнува Anadolu.

Photo by Marvin Meyer on Unsplash

Според платформата за дизајн и развој на веб-страници Siteefy, околу 10.500 веб-страници се лансираат секој час ширум светот, 175 страници секоја минута и три страници секоја секунда.

Меѓу веб-страниците ширум светот, активно се користат 18 проценти (близу 202 милиони), а секој ден се креираат околу 252.000 нови веб-страници.

Врз основа на податоците од similarweb.com, „google.com“ е најпосетувана страница во светот, а потоа следат „youtube.com“, „facebook.com“, „instagram.com“ и „twitter.com“.

Кога станува збор за просечното времетраење на посетата, корисниците поминуваат околу 10 минути и 38 секунди на Google, 20 минути и 25 секунди на YouTube, 10 минути и 43 секунди на Facebook, осум минути и 22 секунди на Instagram и 10 минути и 47 секунди на Twitter.

7 совети како да „излезете“ од дигиталниот пекол

Според податоците на германската компанија за собирање податоци Статиста, во април 64,9 отсто (5,18 милијарди) од светското население користеле интернет, а 59,9 отсто (4,8 милијарди) користеле социјални мрежи.

Северна Европа има највисоки стапки на пристап во светот. Земјите со најголем пристап до интернет се Норвешка, Саудиска Арабија и Обединетите Арапски Емирати, сите со 99 проценти.

Азија води по бројот на корисници на Интернет со 2,93 милијарди, а по неа е Европа со 750 милиони корисници.