Паметните телефони ризик – кои се најчести?
Први април е ден на шегата или на лагата – таква дебата имало и ќе има, но дека дел од првопарилските традиции се и измамите кои ги прават медиумите на овој ден е повеќе од јасно.
Тие измами всушност и потврдуваат колку е голема моќта на медиумите па секако и колкава е нивната одговорност. И на први април, таа одговорност ја има, но сепак дозволено е мало поигрување. Како во изминатите децении си поигрувале некои медиуми, од берење на шпагети, преку хамбургери за левораки до летечки пингвини.
Една од најпознатите и првите медиумски измами Би-би-си ја подготви во 1957 година, кога емитуваше репортажа за бербата на шпагети во Швајцарија.
На први април многу луѓе се обидуваат да бидат шегобијци, а некои од нив успеваат.
Светскиот ден на шегата во Европа се слави од почетокот на 19 век, но постојат многу различни теории и објаснувања за тоа како настанал.
Според некои толкувања, овој празник потекнува од стариот Рим и библиските традиции, додека други сметаат дека потекнува од средновековна Европа.
Со развојот на радиото и телевизијата во 20 век, медиумите се вклучија во првоаприлската шега, измамувајќи ја публиката ширум светот, во која ББС имаше забележителна улога.
Еве пет такви примери.
Престижната информативна програма на БиБиСи Панорама објави една од најпознатите првоаприлски шеги во 1957 година.
Еден телевизиски извештај покажува дека благодарение на многу благата зима и отстранувањето на опасните штетници, швајцарските фармери уживаат во голема разновидност на шпагети.
Гледачите имаа можност да видат како се берат шпагети од дрвјата.
Огромен број луѓе беа измамени, а печатот за тоа пишуваше со денови.
Дури и генералниот директор на Би-Би-Си и признал на жената дека „не знаел дека шпагетите се одгледуваат така“, посегнувајќи по енциклопедијата, изјави Мајкл Пикок, еден од уредниците што ја одобри измамата во емисијата Сведоци на историјата.
Шведската SVT (Sveriges Television) во вестите беше домаќин на техничкиот експерт Кил Стенсон, кој објави дека, благодарение на новата технологија, гледачите можат да добијат телевизор во боја.
Во тоа време, SVT беше единствениот ТВ канал во Шведска и емитуваше црно-бело, па ова беше одлична вест.
Стенсон објасни дека се што треба да направат гледачите е да го повлечат најлонскиот чорап преку ТВ екранот, а мрежата ќе произведе прекршување на светлината и ќе и даде боја на сликата.
Илјадници луѓе го пробаа дома.
Многу Швеѓани сè уште се сеќаваат на нивните татковци како трчале низ куќата обидувајќи се да најдат чорапи за да ги „облечат„ на ТВ, пишува веб-страницата на музејот Сан Диего Џокс.
Познатиот астроном Патрик Мур се појави на радио Би-Би 2 на 1 април 1976 година и објави дека во 9 часот и 47 минути тоа утро луѓето ќе имаат можност да го почувствуваат, како што рече, „гравитациониот ефект на Јупитер и Плутон“.
Тој рече дека токму во тој момент планетите ќе се израмнат, што малку ќе ја ослабне гравитацијата на Земјата, па ако скокнете во воздух во вистински момент, за малку ќе испливате.
Тоа утро Би-Би-Си прими стотици телефонски повици од луѓе кои наводно биле сведоци на феноменот.
Меѓу нив имало и жена која тврдела дека таа и 11 нејзини пријатели станале од столовите и кружеле низ собата, пишува Гардијан.
Во топ-листата на Музејот на шеги се најде и оглас.
Во 1998 година, синџирот за брза храна Бургер Кинг објави оглас во весникот USA Today дека нуди и хамбургер за леваците, специјално дизајниран за 32 милиони Американци кои ја користат левата рака.
Синџирот подоцна соопшти дека примил илјадници нарачки.
Една од последните светски познати првоаприлски шеги на Би-Би-Си е направена за време на серијата на природата „Чудата на еволуцијата“.
Наводно ги снимиле летечките пингвини.
Водителот Тери Џонс, познат член на групата Монти Пајтон, е прикажан како шета со пингвини на Антарктикот, а потоа го следи нивниот лет до дождовната шума на Амазон, каде пингвините „ја поминуваат зимата сончајќи се на тропското сонце“.
Видеото стана вирално на интернет, а овде можете да видите како настанало.
Универзитетско студентско собрание на УГД Штип
Универзитетско студентско собрание на УКИМ Скопје
Универзитетско студентско собрание УКЛО Битола
