Wind of Change ја отпеавме со сменет текст како песна на „романтизирана Русија“ велат одм бендот „Scorpions’’

По војната за агресија на Путин во Украина, пејачот на германските хард рокери „Scorpions“ откри дека го сменил текстот на „Wind od change’’ (Ветер на промени), затоа што повеќе не сакал да ја „романтизира Русија“ со неговата моќна балада која е на врвот на топ листите.

„Да се пее ,,Wind of Change’’ како што отсекогаш го пеевме, тоа веќе не е нешто што можам да го замислам. Едноставно не е во ред да се романтизира Русија со текстови како: „Јас ја следам Москва, до паркот Горки… Нека пее вашата балалајка“- изјавува Клаус Мајне.

Наместо тоа, неговиот бенд одлучил да ги смени зборовите на нивната најпозната песна за време на нивната тековна турнеја во САД и Европа, која беше отворена во Лас Вегас на 26 март, еден месец по почетокот на инвазијата.

Ревидираните стихови, проектирани на екранот зад бендот, велат: „Сега слушај го моето срце – вели Украина. Чекам да се смени ветрот“.

И покрај тоа што песната беше објавена повеќе од една година по падот на Берлинскиот ѕид, во декември 1990 година, таа е широко запаметена како саундтрак на ерата на економските и социјалните промени во поранешниот Советски Сојуз што го најави крајот на студената војна.

Wind of Change – честа тема на историски настани

,,Scorpions’’ го изведоа ,,Wind of Change’’ на Бранденбуршката порта на 10-годишнината од падот на Берлинскиот ѕид во 1999 година и беше прогласена за песна на 20от век од гледачите на јавниот радиодифузен сервис ZDF во 2005 година.

Мејн, кој ги напиша музиката и текстот за некарактеристичната балада на хард рок бендот, рече дека ги составил зборовите на 3 и 4 септември 1989 година, откако ,,Scorpions’’  настапиле на фестивалот Московски музички мир во средината на август.

„Калуш оркестар“ го продаде евровизискиот трофеј

Неодамна, „Wind of change“ беше тема на разиграна серија на подкаст од осум дела во која истражувачкиот новинар Патрик Раден Киф се обиде да ги сруши гласините дека химната всушност била напишана од ЦИА, без да открие никакви суштински докази за теорија. Во своето интервју за ,,Die Zeit’’, Мејн повторно негираше дека неговата најуспешна песна е напишана од американски офицери за пропаганда.

Во едно од своите интервјуа, Мејн исто така негираше дека неговиот бенд, ја занемарил маката на Украина, посочувајќи дека ,,Scorpions’’ свиреле концерти во Донецк, Харков и Одеса.

„Како музичар се држиш до мислата дека луѓето во различни земји, од кои некои може да се гледаат едни на други како непријатели, реагираат на музиката на ист начин. Тоа беше случај и во Украина и Русија’’ вели Клаус Менј.