Социјалните мрежи зближуваат, но и оттуѓуваат. Апсурдно, но така е, и тоа е феномен кој се повеќе загрижува. Се поголем дел од луѓето се иритирани од употребата на социјалните мрежи во друштво, за време на разговор, на состаноци….

Фото: rayvilliams.ca

Како се чувствувате кога излегувате со некој кој на секои неколку минути зема мобилен телефон во раце и проверува пораки, лајкови, коментари и се што ги привлекува луѓето на социјалните мрежи? Тоа те нервира, а ти се нервираш себеси ако го правиш истото? Не сте сами, тоа иритира тројца од четворица Германци.

Според истражувањето на фондацијата BAT (British American Tobacco) со седиште во Хамбург, 55% од испитаниците признаваат дека се „повеќе отколку што треба“ зависни од социјалните мрежи. Кај возрасната група 18-34 години тој процент е 75 отсто, кај повозрасната група 55-55 отсто.

Повеќе од половина, 57 отсто, изјавиле дека сакаат повеќе простор, на пример во трговските центри и ресторани, без интернет и телефон, оценувајќи дека тоа ќе им помогне на нив и на нивните соговорници да се фокусираат на она што го работат.

Без социјалните мрежи и интернетот во трговските центри и ресторани за почеток на „одвикнување“

Меѓутоа, истражувањето укажа и на генерациска разлика, бидејќи едвај половина од оние меѓу 18 и 24 години и самците до 49 години сакаат зони без интернет. Меѓу оние над 66 години, двајца од тројца Германци го сакаат тоа.

„Луѓето ги гледаат лајковите, коментарите и реакциите на нивните објави како еден вид награда“, вели Улрих Рајнхард, директор на научниот оддел на фондацијата.

Елон Маск: Избришете ги социјалните мрежи

За тоа чувство, многумина се подготвени да го прошират реалниот живот на социјалните мрежи и таму да го негуваат. „Не само што бара време и нерви, туку може да предизвика незадоволство и стрес“, вели Рајнхарт.

Многу луѓе во општеството очекуваат да дадат и да посветат целосно внимание и не сакаат постојано одвлекување на вниманието. Ова е препознаено на некои места, па некои угостители во САД, Велика Британија и Австралија даваат попуст на гостите кои ги предаваат своите мобилни уреди на персоналот.

Рајнхарт вели дека наскоро очекува слични акции и во Германија.