Советот за безбедност на ОН ќе ја одржи својата прва официјална седница за вештачка интелигенција во Њујорк оваа недела, откако Велика Британија повика на меѓународен дијалог за неговото влијание врз глобалниот мир и безбедност.

Владите ширум светот размислуваат како да ги намалат опасностите од овој тип на технологија која би можела суштински да ја промени светската економија и да ја преобликува меѓународната безбедносна средина.

Британија претседава со Советот за безбедност овој месец и се обидува да се етаблира како глобален лидер во регулирањето на вештачката интелигенција.

Креаторот на Chat GPT свесен за ризикот од AI

Со седницата во вторник ќе претседава британскиот министер за надворешни работи Џејмс Клеверли.

Во јуни, генералниот секретар на ОН Антонио Гутереш го поддржа предлогот на некои водечки луѓе во областа за формирање на меѓународно регулаторно тело за вештачка интелигенција, како што е Меѓународната агенција за атомска енергија.