Фото: Apptopia

Apptopia објави годишно рангирање на најпопуларните апликации, а број еден е Tik Tok.

Според статистичките податоци, најпопуларен софтвер во текот на 2021 година бил тој што редовно се појавува во медиумите.

Комбинираната листа на апликации за Android и iOS покажува дека најпопуларната мобилна апликација во светот била TikTok.

На второ и трето место се Instagram и Facebook, а потоа следат WhatsApp и Telegram на четврто и петто место.

Во Топ десет се најдоа и следниве апликации:  Snapchat, Zoom, Messenger, CapCut и Spotify.

Новодојденец на оваа листа, во споредба со претходната година, е CapCut – програма за обработка на видео. Програмата е во сопственост на ByteDance (исто така сопственик на TikTok), а апликацијата е специјално креирана за популарната услуга.

Интересно е што една неодамнешна студија покажува дека TikTok е најпопуларната страница на Интернет, па дури и го надмина Google.