Твитер ги отфрли тврдењата на Илон Маск дека има легитимни причини да се повлече од договорот од 44 милијарди долари за купување на платформата. „Приказна измислена во обид да се избегне договор за спојување што Маск повеќе не го смета за привлечен“, тврди интернет гигантот.

Icon collection photo created by natanaelginting – www.freepik.com

Во поднесокот објавен во четвртокот, Твитер ги нарече аргументите на Маск за повлекување од договорот „приказна, измислена во обид да се избегне договор за спојување. Маск повеќе не го смета договорот привлечен кога берзата, а со тоа и неговото огромно лично богатство, опадна во вредност“.

Твитер го тужеше Маск минатиот месец за да го принуди да го направи договорот. Поднесокот на судот е одговор на противтужбата на Маск, која тој ја поднел минатата недела.

Конфликтот започна откако Маск тврдеше дека платформата не дава точни податоци за бројот на ботови, наведувајќи го тоа како причина за повлекување од договорот.

Твитер тврди дека спам сметките сочинуваат помалку од пет проценти од неговите над 200 милиони корисници, но Маск верува дека бројката е поголема и го обвини дека се кријат информации за проблемот.

Интернет гигантот, пак, го обвини Маск дека го „предизвикал“ проблемот за да ја избегне зделката без да плати казна.

„Контратужбите се приказна направена за судски спор што им пркоси на доказите и здравиот разум“, објави Твитер како одговор.

44 милијарди долари за купување, 1 милијарда за раскинување на договорот за Твитер

„Маск измислува претстави што Твитер никогаш не ги направил. Потоа се селективно ги користи обемните доверливи податоци за да предизвика прекршување на тие наводни претстави“, соопшти компанијата.

Зошто Илон Маск лансира сателити во вселената

Адвокатите на Маск сакаа да поднесат јавна верзија на нивниот одговор и противтужба пред судот во Делавер. Но, адвокатите на социјалната мрежа реагира и поднеоса жалба. Побараа повеќе време за да го разгледаат и потенцијално да го средат запечатеното досие на Маск. Велат дека тоа „во голема мера“ е поврзано со внатрешните информации и податоците на Твитер доставени до Маск.

Маск даде понуда за купување во април, но во јули изјави дека сака да се повлече од договорот. Со тоа предизвика вистинска правна драма.

Маск и Твитер имаат право на отштета од 1 милијарда долар. Тоа е обесштетувањето доколку се прогласи дека другата страна е одговорна за неуспехот на договорот. Твитер, сепак, сака повеќе и бара судска наредба за „конкретно извршување“ што Маск би морал да го исполни договорот.