На сопругата на Коби Брајант, Ванеса, и е доделена отштета од 16 милиони долари за претрпената душевна болка откако дознала дека се објавени фотографии од местото на хеликоптерската несреќа во која загинаа нејзиниот сопруг и ќерка во 2020 година.

Фото: Instagram Vanessa Bryant

Според Би-Би-Си, Ванеса Брајант изјавила дека имала напади на паника откако дознала дека се објавени фотографии.  Сликите направени од замениците на шерифот на округот Лос Анџелес и пожарникарите биле споделени.

Федералната порота сега рече дека округот мора да и плати на г-ѓа Брајант за емоционална вознемиреност.

Ко-тужителот Кристофер Честер ќе добие 15 милиони долари.

Коби Брајант , ќерката Џана и шест семејни пријатели загинаа кога нивниот хеликоптер се урна во Калифорнија во јануари 2020 година. Кристофер Честер ги загуби сопругата Сара и ќерката Пејтон во несреќата.

Во извештај на Лос Анџелес Тајмс се тврди дека вработените во округот фотографирале на местото на несреќата. Тие фотографии ги споделиле со други, а тоа ги налути семејствата на жртвите.

Ова е најдобрата спортска фотографија

Во ноември минатата година, округот се согласи да плати 2,5 милиони долари за емоционалната болка на две семејства кои изгубија роднини во несреќата. Ванеса Брајант тогаш ја одби понудената спогодба.

Брајант рече дека се чувствувала „заслепена, уништена, повредена и изневерена“ од веста за протекувањето и живеела во страв секој ден од овие слики да се појавуваат на социјалните мрежи.

„Никогаш не сакам да ги видам овие фотографии“, рече таа. „Сакам да се сеќавам на мојот сопруг и ќерка како што беа“, рече таа.