Иако Лионел Меси е едно од најпознатите имиња во светот, во неговиот роден град Розарио е забрането да се именуваат децата по презимето на успешниот фудбалер.

Пред осум години, аргентинските медиуми објавија преседан кога еден навивач успеал на своето новороденче да му го даде името „Меси“.

Службеник на Розарио еднаш предупреди дека е забрането да се именуваат новороденчиња по Меси, и покрај тоа што маж од југот на земјата добил дозвола така да го именува своето бебе.

Навивачот Хектор Варела ја принудил матичната служба во Рио Негро да го прифати името „Меси“ за неговото бебе кога детето имало две недели. Човекот побарал посебно одобрение од агенцијата, не знаејќи дека неговиот син ќе биде првиот човек во Аргентина што ќе го носи тоа име.

Лионел Меси го загадува воздухот колку што просечен човек ќе го загади за 150 години

И покрај преседанот, властите сакаа да се погрижат и другите родители да тргнат по стапките на Варела, па директорот на граѓанскиот регистар на провинцијата Санта Фе, Гонзало Карило, изјави за Радио 2 Розарио дека користењето на презимето како име е „забрането со закон“, бидејќи тоа може да предизвика конфузија.

Владините проценки покажуваат дека по Светското првенство во Бразил во 2014 година, две од десет родени деца ги добиле имињата на еден од репрезентативците на Аргентина, предводени од Лионел или Леонел, Анхел, Гонзало, Серхио и Хавиер.